Eyjafjarðarsveit stefnir að því að taka eingöngu við rafrænum reikningum vegna kaupa á vörum og þjónustu. Markmiðið er að einfalda móttöku og vinnslu reikninga, draga úr handvirkri skráningu og stuðla að öruggari og skilvirkari stjórnsýslu.
Eyjafjarðarsveit tekur við rafrænum reikningum í gegnum Peppol-netið. Reikningar skulu vera í samræmi við Peppol BIS Billing 3.0, sem byggir á evrópska staðlinum EN 16931 fyrir rafræna reikninga.
Einstaklingar og smærri birgjar sem ekki eru með bókhalds- eða sölukerfi sem getur sent rafræna reikninga geta notað reikningagátt Eyjafjarðarsveitar.
Í gáttinni er hægt að skrá reikning á einfaldan hátt og senda hann rafrænt til sveitarfélagsins.
Reikningagátt Eyjafjaraðrsveitar - Rafrænir reikningar
Birgjar sem nota bókhalds- eða sölukerfi sem styður rafræna reikninga skulu senda reikninga beint úr sínu kerfi í gegnum skeytamiðlara eða Peppol-netið.
Mikilvægt er að á reikningi komi skýrt fram hvað er verið að innheimta fyrir og hver tengiliður eða kaupandi hjá Eyjafjarðarsveit er.
Fylgigögn, svo sem tímaskýrslur, sundurliðanir eða önnur gögn sem tengjast reikningnum, skulu fylgja reikningnum eftir því sem við á.
