Fréttayfirlit

Nú spá eflaust margir í því hvernig hægt er að brjóta upp hversdagsleikann á heimilinu og hvað hægt er að gera skemmtilegt með börnunum.  Við fengum skemmtilega ábendingu með hygmyndum sem hægt er að heimfæra á hvaða heimili sem er og er til þess fallið að viðhalda og efla lýðheilsu okkar.

Matarstígur Helga magra hefur áhuga á því að kortleggja möguleika sveitunga á því að rækta matjurtir í sumar í tengslum við bændamarkaði matarstígsins. Matarstígurinn opnar tækifæri til að koma uppskerunni í verð og tækifæri til að glæða samfélagið lífi. Þeir landeigendur sem hyggjast rækta matjurtir í sumar og hafa áhuga á samstarfi við Matarstíg Helga magra, eða hafa land aflögu til láns eða leigu til áhugasamra aðila, eru beðnir um að hafa samband við Kalla á netfanginu matarstigur@simnet.is eða í síma 691 6633 fyrir kl. 16 á daginn.

Sveitarstjórn samþykkir á fundi sínum þann 17. mars sl. að bjóða uppá að sækja vörur í matvöruverslanir fyrir einstaklinga sem tilheyra viðkvæmum hópum og ekki geta nálgast þær sjálfir sökum faraldursins.

Sveitarstjórn samþykkir á fundi sínum þann 17. mars sl. heimild til þess að næstu þremur gjalddögum fasteignagjalda hjá ferðaþjónustufyrirtækjum verði færðir aftur fyrir síðustu gjalddaga til að létta undir rekstri þeirra fram á haust að því gefnu að aðilar sækist eftir slíku.

Í dag fengum við senda sérlega skemmtilega ábendingu og frásögn af skemmtilegheitum í sveitarfélaginu frá Ingileifu Ástvaldsdóttur. "Einhver var svo skemmtilegur og skapandi í vikunni að skreyta göngustíginn með snjóskúlptúrum. Það lífgaði heldur betur uppá skokktúrinn þann daginn." Fleiri myndir er hægt að sjá á facebook https://www.facebook.com/1120839546/posts/10216586986523384/?d=n

Í ljósi neyðarstigs og samkomubanns sem gildir í landinu hefur verið ákveðið að takmarka aðgang að skrifstofu sveitarfélagsins. Erindi verða afgreidd í síma 463-0600 og tölvupósti esveit@esveit.is.

Ákveðið hefur verið að leita til ykkar eftir skemmtilegum fréttum, umfjöllunum eða sögum ásamt myndum úr sveitinni sem hægt er að deila með sveitungum til dægrastyttingar á þessum sérkennilegu tímum. Langar okkur að birta líflegar og skemmtilegar fréttir á heimasíðu sveitarfélagsins, eitthvað sem dreift getur huga okkar frá því yfirflæði frétta sem tengjast veirum, veðri og snjómokstri þessa dagana.

Í ljósi nýjustu frétta af samkomubanni er ákveðið að ÖLL STARFSEMI Á VEGUM FÉLAGSINS FALLI NIÐUR NÆSTU 4 VIKUR. Að öllu óbreyttu komum við næst saman þriðjudaginn 14. apríl. Stjórnin.

Í ljósi samkomubannsins sem nú hefur tekið gildi, mun starfsemi Íþróttamiðstöðvarinnar breytast og taka mið af tilmælum Almannavarna. Tekið er mið að því að íþróttamiðstöðin og sundlaugin nýtist yngri kynslóð íbúa gegnum starfsemi skólans milli klukkan 8:00 og 16:00. Verða almennir opnunartímar íþróttamiðstöðvarinnar því eftirfarandi:

Kæru íbúar. Um helgina hefur verið unnið að því að endurskipuleggja starf skólanna svo það megi halda áfram með sem minnstri röskun fyrir börn okkar og samfélag. Til þess þarf að ráðast í ákveðnar skipulagsbreytingar á starfinu sem við vonum að muni eingöngu standa í skamman tíma.