Fréttayfirlit

Kæru sveitungar við hvetjum alla til að fylgjast vel með færð og veðurspá næstu daga. Foreldrar og forráðamenn barna í leik- og grunnskóla eru sérstaklega beðnir um að vera vakandi fyrir upplýsingum frá skólunum en líklegt má telja að rask verði á skólastarfi og akstri á næstu dögum.

Fjárhagsáætlun Eyjafjarðarsveitar fyrir árið 2020 og árin 2021 - 2023 var tekin til síðari umræðu og samþykkt samhljóða í sveitarstjórn 6. desember.

Sveitarstjórn Eyjafjarðarsveitar samþykkti þann 21. nóvember 2019 afgreiðslu skipulagsnefndar þann 14. mars 2019 á deiliskipulagi fyrir svínabú í landi Torfa skv. 3. mgr. 41. gr. skipulagslaga nr. 123/2010. Skipulagið tekur til uppbyggingar svínabús á landspildu sunnan Finnastaðaár og vestan Eyjafjarðarbrautar vestri.

Kallað er eftir ábendingum frá vegfarendum sveitarfélagsins um það sem betur má fara í umferðarmálum í sveitarfélaginu. Hafa má í huga atriði eins og ástand vega, snjómokstur, umferð gangandi vegfarenda, akandi og ríðandi. Þá er einnig vert að benda á gróður, heft útsýni, erfið gatnamót og heimreiðar svo fátt eitt sé nefnt. Mikilvægt er að staðsetningar séu skilmerkilega tilgreindar í ábendingum og gott er að hafa myndir með þar sem við á. Ábendingar sendist á esveit@esveit.is merkt sem erindi „Ábendingar fyrir umferðaröryggisáætlun“ fyrir 12. janúar 2020. Skipulagsnefnd

Inn í öflugan og skemmtilegan starfsmannahóp Hrafnagilsskóla vantar skólaliða í 90% starf. Ráðið er í starfið út skólaárið og möguleiki á fastráðningu í framhaldi. Best væri að viðkomandi gæti hafið störf sem fyrst.

541. fundur sveitarstjórnar Eyjafjarðarsveitar verður haldinn í fundarstofu 1, Skólatröð 9, 6. desember 2019 og hefst kl. 12:00.

540. fundur sveitarstjórnar Eyjafjarðarsveitar verður haldinn í fundarstofu 1, Skólatröð 9, 2. desember 2019 og hefst kl. 15:00

Sóknaráætlun Norðurlands eystra til næstu fimm ára er nú aðgengileg.

Rétt í þessu voru umhverfisverðlaun Eyjafjarðarsveitar veitt af umhverfisnefnd sem ákvað að veita tveimur aðilum verðlaunin í ár, annarsvegar fyrir Bújörð og atvinnustarfsemi og hinsvegar fyrir íbúðarhús og nærumhverfi.

Nú líður að síðustu fundum skipulagsnefndar og sveitarstjórnar fyrir jól en breyting er á fundardögum sem verða sem hér segir. Skipulagsnefnd fundar föstudaginn 29.nóvember (fundur sem fyrirhugaður var 2.nóvember). Sveitarstjórn fundar 2.desember og síðan afgreiðir hún fjárhagsáætlun á jólafundi sínum þann 6.desember.