Fréttayfirlit

533. fundur sveitarstjórnar Eyjafjarðarsveitar verður haldinn í fundarstofu 1, Skólatröð 9, 20. júní 2019 og hefst kl. 15:00

Sveitarstjórn Eyjafjarðarsveitar auglýsir skipulagslýsingar skv. 3. mgr. 40 gr. skipulagslaga vegna deiliskipulags fyrir athafnasvæði í landi Stokkahlaða. Svæðið er auðkennt AT4 í gildandi aðalskipulagi sveitarfélagsins og mun deiliskipulagið taka til byggingar tveggja húsa sem nýtt verða sem atvinnu- og geymsluhúsnæði. Lýsingin mun liggja frammi á skrifstofu sveitarfélagsins frá 18. júní 2019 til og með 2. júlí 2019. Lýsingin verður einnig aðgengileg á vef sveitarfélagsins, esveit.is.

Kynningarfundur verður haldinn í Hlíðarbæ 6. júní 2019 klukkan 20:00 þar sem skipulagstillaga og umhverfisskýrsla vegna breytinga á svæðisskipulagi Eyjafjarðar, drög, liggja nú frammi til kynningar, m.a. á www.afe.is.

Svæðisskipulagsnefnd Eyjafjarðar afgreiddi á fundi sínum 7. maí s.l. til kynningar drög að skipulagstillögu og umhverfisskýrslu vegna breytinga á svæðisskipulagi. Tillagan verður síðan send sveitarstjórnum til staðfestingar að lokinni kynningu sem stendur yfir út júní.

Kvenfélagið Hjálpin verður með stórglæsilegt kaffihlaðborð á Hrísum í Eyjafjarðasveit, 2 júní nk. frá kl. 13.30-16.30. Frítt fyrir 6 ára og yngri, 1.000 kr. fyrir 7-12 ára og 2.000 kr. fyrir 12 ára og eldri.

Húlladúllan heimsækir Eyjafjarðarsveit helgina 25.-26. maí með hina frábæru fjölskyldusirkushelgi. Við munum njóta helgarinnar saman í Íþróttamiðstöð Eyjafjarðarsveitar, læra nýja og spennandi hluti, hlæja, svitna og gleðjast. Dagskráin er sérstaklega sniðin að því að fjölskyldan og samfélagið geti öll tekið þátt saman burtséð frá aldri og stærð.

Við vekjum athygli á að tímatökumót Hjólreiðafélags Akureyrar verður á Eyjafjarðarbraut vestri milli Akureyrar og Hrafnagils sunnudaginn 19. maí næstkomandi milli klukkan 10:00 og 12:00. Vegfarendur eru beðnir að gæta varúðar og sýna tillitssemi.

Óskað er eftir starfsmanna í hlutastarf á Smámunasafnið sumarið 2019. Ráðningatími 1. júní til 1. september. Vinnuhlutfall sem samsvarar að jafnaði 3 dögum á viku og aðra hverja helgi en er þó óreglulegt.

Nú hefur mötuneyti Eyjafjarðarsveitar verið boðið út til næstu þriggja ára og var þar lögð rík áhersla á íslenskt hráefni, heilsusamlegt mataræði og að lágmarka vistspor þjónustunnar.

Á fundi sveitarstjórnar Eyjafjarðarsveitar 24. apríl var ársreikningur Eyjafjarðarsveitar fyrir árið 2018 lagður fram til fyrri umræðu. Heildartekjur A og B hluta voru 1,043 m. kr., sem er um 2,6 % hækkun frá fyrra ári og 5% yfir fjárhagsáætlun ársins. Heildargjöld án fjármagnsliða, voru 959,2 m.kr en það er um 1,1% hækkun frá fyrra ári og 5% umfram fjárhagsáætlun ársins.