Fréttayfirlit

Laugardaginn 7. september verður sundlaugin opin til kl 20:00. Viljum sérstaklega bjóða þreytt gangnafólk velkomið.

Gangnaseðlar 2019 má nálgast hér fyrir neðan og prenta út. Þeir sem óska eftir að fá gangnaseðlana senda á pappír geta haft samband við skrifstofu sveitarfélagsins í síma 463-0600. Seðlarnir verða ekki sendir á pappír nema til þeirra sem óska eftir því.

Hefur þú gaman af því að vinna með unglingum? Við leitum að ábyrgum, jákvæðum, áhugasömum og hugmyndaríkum einstaklingi til að sjá um félagsmiðstöðina Hyldýpið í Eyjafjarðarsveit. Um er að ræða hlutastarf, ca 12 klst á mánuði ásamt stærri viðburðum.

Starfsmaður óskast í hlutastarf við Hrafnagilsskóla veturinn 2019 – 2020. Um er að ræða tímabundna stöðu vegna veikinda en með möguleika á fastráðningu. Best væri að viðkomandi gæti hafið störf sem fyrst.

Ríkiskaup annast útboð skólaaksturs fyrir Hrafnagilsskóla og hefur nú opnað fyrir upplýsingar þess efnis á rafrænu útboðskerfi Ríkiskaupa.

Opnunarhátíð og verðlaunaafhending Handverkshátíðar 2019 var haldin fimmtudagskvöldið 8.ágúst í veitingatjaldinu þar sem fólk naut frábærra veitinga og skemmtiatriða í góðum félagsskap. Valnefndin í ár var skipuð flottu fagfólki. Almari Alfreðssyni vöruhönnuði, Elínu Björgu útstillingahönnuði og eiganda Eftirtekt.is og Gunnhildi Helgadóttur myndlistamanni.

Handverkshátíð fór af stað í morgun og gekk dagurinn afskaplega vel fyrir sig. Fjöldi manns var mættur til að kynna sér nýtt handverk og njóta samverunnar á Hrafnagili.

Það verður eflaust söknuður hjá mörgum þar sem Valdemar Valdemarsson "Valdi", matreiðslumeistari, lætur nú eftir mötuneyti Eyjafjarðarsveitar en föstudaginn 12.júlí reiðir hann formlega fram sínar síðustu veitingar sem verktaki mötuneytisins.

Sveitarfélagið hefur nú sett vegtálma á Laugartröð sem loka götunni fyrir gegnumakstri vestan við Laugarborg. Síðastliðna daga hafa krakkarnir í vinnuskólanum málað tálmana með gulri málningu svo þeir verði áberandi fyrir vegfarendur.

Þann 26. ágúst næstkomandi mun þverpólitísk nefnd sem vinnur að tillögum um stofnun miðhálendisþjóðgarðs halda opinn fund í Stórutjarnarskóla. Þar verður farið yfir verkefni nefndarinnar fram til þessa, ásamt því að ræða lokaskrefin í vinnu nefndarinnar, sem skila á skýrslu með tillögum sínum til umhverfis- og auðlindaráðherra í september næstkomandi.