Fréttayfirlit

Umhverfisnefnd hefur afhent umhverfisviðurkenningar fyrir árið 2007. Að þessu sinni hlutu viðurkenningu fyrir snyrtilega umgengni á bújörð, skógrækt og áhuga á varðveislu minja, þau Leifur Guðmundsson og Þórdís Karlsdóttir eigendur og ábúendur í  Klauf.  Eigendur Samkomugerðis II, Baldvin Birgisson og Hanna María Skaftadóttir,  fengu viðurkenningu fyrir metnaðarfulla endurbyggingu eldra húss ræktun umhverfis.

Iðnaðarráðherra hefur skipað vinnuhóp sem skal endurmeta þörf fyrir þriggja fasa rafmagn á landsbyggðinni. Hópurinn hefur leitað til sveitarstjórna um að þær afli upplýsinga um þörfina hver á sínum stað. Þeir sem vilja koma sjónarmiðum sínum á framfæri hvað þetta varðar eru beðnir að hafa samband við skrifstofu Eyjafjarðarsveitar sem fyrst og í síðasta lagi 15. jan. n. k.  Sjá erindi Iðnaðarráðuneytis

Sjálfseignastofnunin Gásakaupstaður ses var stofnuð fimmtudaginn 6.desember á Minjasafninu á Akureyri. Að stofnuninni standa Akureyrarbær, Dalvíkurbyggð, Eyjafjarðarsveit, Gásafélagið, Grýtubakkahreppur, Hörgárbyggð, Minjasafnið á Akureyri, Svalbarðsstrandarhreppur og Laufáshópurinn (Gásahópurinn).

Í bréfi sem sveitarstjórn hefur borist frá Óbyggðanefnd dags. 26. nóv. s. l. er frá því greint að fjármálaráðherra f. h. íslenska ríkisins hafi frest til 31. des. n. k. til að lýsa kröfum í þjóðlendur á vestanverðu Norðurlandi (svæði 7 sbr. skilgreiningu nefndarinnar). Bréf Óbyggðarnefndar

Sveitarstjórn Eyjafjarðarsveitar auglýsir hér með tillögu að deiliskipulagi íbúðarbyggðar í Reykárhverfi austan Eyjafjarðarbrautar vestri. Svæðið afmarkast af lóð Hrafnagilsskóla að sunnan og landamerkjunum að Grísará að norðan. Að vestan markast það af Eyjafjarðarbraut vestri og Eyjafjarðará að austan. Skipulag, sjá hér

Notaleg kvöldstund í fimmtugum Freyvangi í boði Menningarmálanefndar og Gallerí Víðáttu601, hefst kl.20:30.

Tónleikar 25. nóvember 2007 kl. 15.00
Miðaverð kr. 2.000,-
Flytjandi: Valgerður Andrésdóttir
Efnisskrá: Franz Mixa - Sónata, Toru Takemutsu - Litany, Sodia Gubaidulina - Chaconne, W. A. Mozart - Sónata KV 576, Franz Liszt - Dante Sónata