Auglýsingablaðið

Auglýsingablað 1275. tbl. 16. árg. þriðjudaginn 28. janúar 2025.

Sveitarstjórnarfundur
646. fundur sveitarstjórnar Eyjafjarðarsveitar verður haldinn í fundarherbergi sveitarstjórnar, Skólatröð 9, fimmtudaginn 30. janúar og hefst hann kl. 8:00. Dagskrá fundarins verður kynnt á upplýsingatöflu í anddyri skrifstofunnar og á heimasíðu sveitarfélagsins.

Leikskólinn Krummakot auglýsir eftir starfsmanni tímabundið í móttökueldhús
• Um er að ræða 100% stöðu eða e.t.v tvær 50% stöður.
• Æskilegt er að byrja 15. febrúar fram að sumarlokun. Með möguleika á áframhaldandi ráðningu við önnur störf innan skólans.
Allur matur er eldaður í eldhúsinu í Hrafnagilsskóla þannig að það þarf að taka á móti matnum og græja fyrir bæði matsal og vagna. Síðan er það frágangur og uppvask sem og að sjá um allan þvott, þar sem að hann er mikill á svona stóru heimili.

Menntunar- og hæfniskröfur

• Skipulögð vinnubrögð, sjálfstæði og frumkvæði, góðir samskiptahæfileikar og þjónustulund.
• Metnaður og áhugi til að taka þátt í góðu skólastarfi.
Umsóknum skal fylgja ferilskrá og upplýsingar um meðmælendur.
Öllum umsóknum verður svarað.

Frekari upplýsingar veitir Erna Káradóttir leikskólastjóri í síma 464-8120, netfang erna@krummi.is 

Messa í Kaupangskirkju sunnudaginn 2. febrúar kl. 13.30
Verið velkomin í fyrstu messuna á nýju ári hér í sveit. Tilvalið eftir gott þorrablót að kyrra hugi og hjörtu við fallegan söng og nokkur vel valin orð. Söngfélagar við Kaupangskirkju syngja undir stjórn Petru Bjarkar Pálsdóttur organista. Meðhjálpari er Hansína María Haraldsdóttir og prestur Hildur Eir Bolladóttir.
Komið fagnandi!

Kvenfélagið Iðunn – Aðalfundur – Ath. breytt tíma- og staðsetning
Aðalfundur verður haldinn í
Félagsborg kl. 10:00, laugard. 8. febrúar nk.

Að venju verða léttar veitingar og happdrætti.
Nýjar konur velkomnar.
Hlökkum til að sjá ykkur.
Stjórnin.