Auglýsingablaðið

Auglýsingablað 1295. tbl. 16. árg. þriðjudaginn 15. júlí 2025.
Því miður var ekkert auglýsingablað 1. og 8. júlí.

Sumarlokun hjá Eyjafjarðarsveit og Skipulags- og byggingarfulltrúa
Skrifstofur Eyjafjarðarsveitar og Skipulags- og byggingarfulltrúa verða lokaðar frá 21. júlí til og með 1. ágúst vegna sumarleyfa starfsfólks. Opnað verður aftur þriðjudaginn 5. ágúst, eftir verslunarmannahelgi.
Njótið sumarsins!

Götuhjólamót föstudaginn 25. júlí
Hjólreiðafélag Akureyrar mun halda götuhjólamót í tímatöku föstudaginn 25. júlí nk. Ráðgert er að ræsing verði við Botnsreit kl. 18:00 og þaðan verður hjólað fram að Saurbæ. Þar verður snúið við og hjólað til baka. Áætlað er að keppnin taki 3-4 tíma. Hjólreiðafélagið mun sjá um brautargæslu, nauðsynlegar merkingar og hafa látið lögreglu og slökkvilið vita af viðburðinum.

Auglýsingablað – næst miðvikudaginn 6. ágúst
Næsta auglýsingablað eftir sumarlokun verður miðvikudaginn 6. ágúst.
Auglýsingar þurfa að berast fyrir kl. 10:00 þann dag á esveit@esveit.is 
Nánari upplýsingar um auglýsingar og viðburðadagatalið er að finna á heimasíðunni esveit.is > Auglýsingablað.