Auglýsingablaðið

Auglýsingablað 1311. tbl. 16. árg. þriðjudaginn 25. nóvember 2025.

Bókmenntahátíð barnanna verður haldin í félagsheimilinu Laugarborg í Hrafnagilshverfi fimmtudaginn 4. desember 2025, kl. 16:00-18:00. Um er að ræða samvinnuverkefni fjögurra skóla á Norðurlandi; Hrafnagilsskóla í Eyjafjarðarsveit, Valsárskóla á Svalbarðseyri, Reykjahlíðarskóla og Stórutjarnaskóla í Þingeyjarsveit.

Nemendur í 5.–8. bekk hafa skrifað bækur, hannað bókakápur og myndskreytt bækurnar.

Dagskrá hefst á upplestrum, umræðum og skemmtiatriði. Að dagskrá lokinni verður hægt að glugga í og kaupa bækur, spjalla við höfunda, fá áritanir og kynna sér verkefnið betur.

Einnig verður kaffihús á staðnum þar sem hægt verður að kaupa sér vöfflur og drykki. Tekið verður við reiðufé eða millifærslum á staðnum.

Nánar má lesa um þetta skemmtilega verkefni á heimasíðu Eyjafjarðarsveitar.

Frestur til að sækja um styrk 2025 er til og með 15. desember 2025

• Íþrótta- og tómstundastyrkur barna
• Lýðheilsustyrkur eldri borgara
• Styrkveitingar vegna keppnis- og æfingaferða

Nánari upplýsingar um styrkina er að finna á heimasíðu Eyjafjarðarsveitar.

Lokað verður á bókasafni Eyjafjarðarsveitar 4. og 5. desember - Bókaklúbburinn verður samt kl. 16:30 þann 4. desember
Vegna óviðráðanlegra orsaka verður lokað á bókasafni Eyjafjarðarsveitar fimmtudaginn 4. og föstudaginn 5. desember.
Beðist er velvirðingar á þessu.
Bókaklúbburinn verður fimmtudaginn 4. desember kl. 16:30 á bókasafninu.

Bókaklúbburinn á bókasafninu
Hittumst næst á bókasafninu fimmtudaginn 4. desember kl. 16:30.
Allir eru velkomnir í bókaklúbbinn!

Jólahlaðborð Félags eldri borgara í Eyjafjarðarsveit verður haldið í Múlabergi 4. desember kl. 19:00. Svavar Knútur skemmtir og stýrir söng. Verð 12.900 kr. Skráning er í Félagsborg eða hjá Hansínu Maríu í síma 863-1539 í síðasta lagi 30. nóvember.

Lukkupakkar, kökubasar og kaffihúsastemning í Laugarborg 6. desember
Laugardaginn 6. desember verða „Opnar dyr“ í Eyjafjarðarsveit – af því tilefni verður Kvenfélagið Iðunn með opið upp á gátt í Laugarborg kl. 13:00-17:00.
Það verður notaleg kaffihúsastemning og lágstemmd jólatónlist.
Gómsætar vöfflur (líka glútenfríar) með rjóma, súkkulaðiglassúr og heimagerðum sultum.
Kökubasar – þar sem borðin munu svigna undan kræsingum og góðgæti.
Komið og gerið góð kaup. Allur ágóði rennur í hjálparsjóð Iðunnar.

Jólaball Hjálparinnar
Árlegt jólaball Hjálparinnar í Funaborg laugardaginn 27. des. kl. 13:30
Jólasveinar mæta og dansað í kringum jólatréð við undirleik heiðurshjónanna í Hólshúsum. Kaffihlaðborð að kvenfélagssið.
Hlökkum til að sjá sem flesta.

Opnar dyr laugardaginn 6. desember kl. 13:00-17:00
Við ætlum að opna upp á gátt og bjóða gestum og gangandi aðventustemningu í sveitinni. Upplagt að krækja sér í umhverfisvænar jólagjafir, eins og gjafabréf og upplifanir.

Hlökkum til að sjá ykkur 6. desember milli klukkan 13 og 17.

Eftirtaldir aðilar í Eyjafjarðarsveit verða með opnar dyr hjá sér:
Holtsel
Hælið
Brúnir
Reykhúsaskógur
k.ing gler
Dyngjan
Smámunasafnið
Sólarmusterið
Iceland Yurt
Urtasmiðjan
Íslandsbærinn
Hafdals Hotel
Helgi og Beate Kristnesi
Skógarböðin
Kvenfélagið Iðunn í Laugarborg

Aðventusýning hjá Freyvangsleikhúsinu - Jólakötturinn
Jólakötturinn er frumsamið hugljúft jólaævintýri eftir Jóhönnu S. Ingólfsdóttur. Höfundur byggir söguna á hinum alíslenska jólaketti eins og flestir þekkja hann, en blandar svo inní allskyns sögupersónum sem flestir kannast líka við.

Þegar jólakötturinn fær nóg af því að allir í kringum hann eru alltaf góðir, glaðir og að öllum finnist jólin frábær, ákveður hann að fara að heiman þar sem það er enginn lengur eins og hann.

Hann fer af stað fúll og önugur en á leið sinni upp á fjallið þá hittir hann ýmsar furðuverur sem eru fæstar eins og hann því eins og allir vita þá finnst flestum jólin frábær.

Það að vera frábrugðin öðrum og finnast maður ekki passa inn í getur verið flókið, en með vináttu, væntumþykju og kannski smá kurteisi er möguleiki á að finna sinn stað í tilverunni.

Tónlistin í verkinu er létt og skemmtileg og er hún frumsamin fyrir verkið af Eiríki Bóassyni og er þetta þriðja jólabarnaleikritið sem hann semur tónlistina í hjá Freyvangsleikhúsinu.

Leikstjóri er Jóhanna S. Ingólfsdóttir

Sýningar eru:
29/11 Laugardagir kl. 13
30/11 Sunnudagur kl. 13
6/12 Laugardagur kl. 13
13/12 laugardagur kl. 13
14/12 sunnudagur kl. 13
20/12 laugardagur kl. 13

Takið daginn frá - 31. jan. Þorrablót Eyjafjarðarsveitar sem enginn vill missa af.
Kveðja nefndin.