Dagskrá:
1. UNG Esveit - þróunaráætlun frístunda- og félagsmiðstöðvastarfs - E2610008
Karl Jónsson íþrótta- og tómstundafulltrúi kynnir hugmyndir sínar um þróun frístunda- og félagsmiðstöðvastarfs í Eyjafjarðarsveit.
Velferðar- og menningarnefnd tekur jákvætt í þær hugmyndir sem fram komu og telur þær til þess fallnar að efla og þróa frístunda- og félagsmiðstöðvastarf í sveitarfélaginu.
Nefndin leggur til við sveitarstjórn að fyrirliggjandi hugmyndir að þróun starfsins verði samþykktar.
2. Framkvæmd Íþróttaviku Evrópu - E2610047
Lagt fram minnisblað um þátttöku Eyjafjarðarsveitar í íþróttaviku Evrópu sem haldin var 23. - 30. september.
Velferðar- og menningarnefnd fagnar góðri þátttöku í íþróttavikunni og sérstaklega góðum viðtökum við Fjölskyldufjöri sem haldið var í fyrsta sinn í íþróttahúsinu. Nefndin þakkar þeim félögum og einstaklingum sem tóku þátt í dagskrá vikunnar fyrir þeirra framlag og telur ástæðu til að byggja áfram á verkefninu á næsta ári.
3. Fræðsluferð starfsfólks ÍME til Coventry - E2610046
Lagt fram minnisblað um fyrirhugaða fræðsluferð starfsfólks Íþróttamiðstöðvar Eyjafjarðarsveitar til Coventry dagana 1.- 5. febrúar 2027. Tilgangur ferðarinnar er að sækja fagsýningu fyrir sundlaugarstarfsfólk, fyrirlestra og vinnustofur sem nýtast við starfsemi íþróttamiðstöðvarinnar.
Velferðar- og menningarnefnd tekur jákvætt í fyrirhugaða fræðsluferð og telur hana falla vel að sí- og endurmenntun starfsfólks Íþróttamiðstöðvar Eyjafjarðarsveitar.
4. Endurnýjun samnings við Minjasafnið um rekstur Smámunasafns Sverris Hermannssonar - E2609011
Umræður um stöðu endurnýjunar samnings við Minjasafnið um rekstur Smámunasafns Sverris Hermannssonar.
Velferðar- og menningarnefnd áréttar fyrri afstöðu sína um mikilvægi þess að gerður verði langtímasamningur við Minjasafnið um rekstur sýningarinnar og hvetur sveitarstjórn til að ljúka samningsgerðinni sem fyrst. Jafnframt verði í samningnum skýrt kveðið á um ábyrgð á kynningar- og auglýsingamálum safnsins.
5. Beiðni um framlag til starfsemi Stígamóta árið 2027 - E2610016
Lögð fram beiðni um fjárframlag til starfsemi Stígamóta fyrir árið 2027.
Velferðar- og menningarnefnd hafnar styrkumsókninni þar sem sveitarfélagið styrkir systursamtök Stígamóta, Aflið á Akureyri.
6. Samtök um karlaathvarf - Ósk um stuðning - E2610026
Lögð fram beiðni um fjárframlag til starfsemi Karlaathvarfsins.
Velferðar- og menningarnefnd hafnar styrkumsókninni.
7. Búsaga - Umsókn um styrk til menningarmála haust 2026 - E2610034
Umsókn um styrk til menningarmála haust 2026 - Búsaga.
Velferðar- og menningarnefnd samþykkir að styrkja Búsögu um kr. 300.000.- Nefndin lýsir yfir ánægju sinni með verkefni Búsögu og vinnu félagsmanna.
8. Guðrún H Bjarnadóttir - Umsókn um styrk til menningarmála haust 2026 - E2610039
Umsókn um styrk til menningarmála haust 2026 - Guðrún H Bjarnadóttir.
Velferðar- og menningarnefnd samþykkir að styrkja námskeiðið um kr. 400.000.
9. Umsóknir um afreks- og hvatningarstyrk - E2609046
Farið yfir umsóknir um afreks- og hvatningarstyrk Eyjafjarðarsveitar.
Farið yfir umsóknir um afreks- og hvatningarstyrk Eyjafjarðarsveitar fyrir árið 2026. Velferðar- og menningarnefnd samþykkir samhljóða úthlutun styrkja samkvæmt umræðum á fundinum og felur íþrótta- og tómstundafulltrúa að tilkynna umsækjendum um niðurstöðuna.
Að lokinni fyrstu úthlutun verði reynsla af framkvæmd styrksins og gildandi reglum tekin til endurskoðunar, í samræmi við fyrri ákvörðun sveitarstjórnar.
10. Fjárhagsáætlun Eyjafjarðarsveitar 2027 og 2028-2030 - E2605022
Bjarki Ármann Oddsson skrifstofu- og fjármálastjóri fór yfir lykiltölur í rekstri velferðar-, menningar, íþrótta- og tómstundamála í tengslum við gerð fjárhagsáætlunar Eyjafjarðarsveitar fyrir árið 2027.
Lagt fram til kynningar.
Fleira ekki gert. Fundi slitið kl. 19:00
