Nú hefur B.Hreiðarsson tekið að reisa efri hæð viðbyggingar Hrafnagilsskóla sem að auki mun hýsa stækkun íþróttamiðstöðvar Eyjafjarðarsveitar með glæsilegri líkamsræktaraðstöðu.
Húsinu verður lokað í sumar og haust og verður unnið í því að innan í allan vetur en stefnt er á að framkvæmdum ljúki á árinu 2027. Samhliða framkvæmdum þar er unnið að umtalsverðum breytingum inni í skólahúsnæðinu og í anddyri íþróttamiðstöðvar, rým sem mun tengja skólann, nýtt bókasafnsrými og íþróttamiðstöð í glæsilegum kjarna.
Verkefnið er framhald af uppbyggingu leikskólans Krummakots og er ætlað að leiða til viðamikillar þjónustuaukningar fyrir íbúa sveitarfélagsins.
