Leitað er að lausnamiðuðum og framsýnum leiðtoga í starf sem býður upp á spennandi tækifæri til að leiða sveitarfélagið í nánu samstarfi við kjörna fulltrúa, íbúa og starfsfólk.
Helstu verkefni og ábyrgð
- Ber ábyrgð á daglegum rekstri sveitarfélagsins og framkvæmd ákvarðana sveitarstjórnar
- Stýrir og þróar stjórnsýslu sveitarfélagsins og hefur yfirumsjón með mannauðsmálum
- Vinnur náið með sveitarstjórn og nefndum að undirbúningi mála og stefnumótun
- Tryggir fagleg vinnubrögð, góða þjónustu og skilvirka framkvæmd
- Annast samskipti við íbúa, stofnanir, fyrirtæki og önnur sveitarfélög og gætir hagsmuna sveitarfélagsins út á við
- Leiðir samstarf og samráð innan samfélagsins
Hæfniskröfur
- Framúrskarandi hæfileikar í mannlegum samskiptum
- Leiðtogahæfni, öguð og lausnarmiðuð vinnubrögð
- Þekking og farsæl reynsla af stjórnun, mannauðsmálum, stefnumótun og rekstri
- Frumkvæði, skipulagshæfni og sjálfstæði í vinnubrögðum
- Mjög góð færni í ræðu og riti
- Þekking og reynsla af opinberri stjórnsýslu, sérstaklega sveitarfélögum, er kostur
- Háskólamenntun sem nýtist í starfi er kostur
Umsóknarfrestur er til klukkan 13:00 þann 3.júní
Umsókn skal send á esveit@esveit.is með yfirskriftinni „Sveitarstjóri – starfsumsókn“.
Umsókn skulu fylgja ítarleg starfsferilskrá og kynningarbréf þar sem gerð er grein fyrir ástæðu umsóknar og rökstuðningi fyrir hæfni í starfið.
Nánari upplýsingar veita:
Hermann Ingi Gunnarsson, oddviti sveitarstjórnar hermann@esveit.is
Finnur Yngvi Kristinsson, fráfarandi sveitarstjóri sveitarstjori@esveit.is
Eyjafjarðarsveit áskilur sér rétt til að birta lista yfir umsækjendur opinberlega að umsóknarfresti liðnum.
