Fréttayfirlit

Kvennahlaup ÍSÍ frá Hrafnagilsskóla kl. 11:00, upphitun kl. 10:45

Gæðingakeppni Funa verður haldin á Melgerðismelum laugardaginn 16. júní. Dagskrá: kl. 10 - B-flokkur, unglingaflokkur, barnaflokkur, A- flokkur. kl. 13 - Úrslit riðin í sömu röð.

Sundlaug Eyjafjarðarsveitar verður opin kl. 10:00 - 20:00 sunnudaginn 17. júní n.k.

Í samræmi við ákvörðun sveitarstjórnar Eyjafjarðarsveitar, 12. júní 2012, er hér með auglýst tillaga að deiliskipulagi verslunar- og þjónustusvæðis VÞ 5a að Syðri-Varðgjá, skv. 41. gr. skipulagslaga nr. 123/2010.

Að fenginni tillögu skólanefndar hefur sveitarstjórn Eyjafjarðarsveitar ákveðið að ráða Hrund Hlöðversdóttur í starf skólastjóra Hrafnagilsskóla en átta umsóknir bárust um stöðuna.

Kynning á olíuvörum frá Motul verður haldin í vélaskemmunni á Hríshóli fimmtudaginn 14. júní kl. 20.30. Góð tilboð og léttar veitingar í boði.

Vegna skipulegrar notkunar á illgresiseyðinum Clinic við að eyða skógarkerfli í Eyjafjarðarsveit hafa menn lýst yfir áhyggjum af hugsanlegum mengunaráhrifum og aukaverkunum af eyðinum. Því þótti rétt að taka saman umfjöllun, byggða á innlendum og erlendum heimildum, um áhrif efnisins á vistkerfi.

Föstudaginn 8. júní kl. 20 verða haldnir tribute tónleikar, Elton John til heiðurs. Þar verða fluttar sígildar perlur sem og nokkur minna þekkt lög. Kaffi verður í boði en aðra drykki þarf fólk að koma með sjálft. Sala á miðum er í Eymundsson og kostar miðinn 1500 kr.

Ester Stefánsdóttir framkvæmdastjóri Handverkshátíðar og Landbúnaðarsýningar við Hrafnagilsskóla fékk á dögunum afhenta gjöf frá Fríðu Gylfadóttur listakonu í Fjallabyggð, en það var hluti Héðinsfjarðartrefilsins. Forsaga trefilsins er sú að árið 2010 stóð Fríða fyrir sameiginlegu prjónaátaki heimamanna og gesta í Fjallabyggð og var tilefnið opnun Héðinsfjarðarganga um haustið. Þá höfðu Fríða og félagar prjónað 17 km langan trefil sem tákn um sameiningu og samtöðu.

Sumarstarf við Hólavatn hefst fimmtudaginn 7. júní en þann dag fer fyrsti hópur sumarsins. Það er Frumkvöðlaflokkur fyrir 7-8 ára börn sem fær heiðurinn af því að vera fyrsti hópurinn til að dvelja í nýju húsi sem nú verður tekið í notkun.