Fréttayfirlit

  Saurbæjarkirkja í Eyjafirði er 150 ára um þessar mundir. Haldið var upp á það sunnudaginn 30. nóvember s. l.
Saurbæjarkirkja er ein örfárra torfkirkna í landinu en séra Einar Thorlacius sem uppi var á árunum 1790-1870 lét reisa hana árið 1858. Hún er friðlýst og í umsjá þjóðminjavarðar.

Benjamín Baldursson á Ytri-Tjörnum sendi okkur nokkrar myndir sem hann tók við það tilefni.

Jólastemning fortíðarinnar verður endurlífguð sunnudaginn 7. desember frá 13:30 – 16 í Gamla bænum Laufási við utanverðan Eyjafjörð. Þá mun gestum og gangandi gefast kostur á því að fylgjast með undirbúningi jólanna eins og hann var í gamla sveitasamfélaginu.

Í vinnu við gerð fjárhagsáætlana fyrir árið 2009 fór á stað naflaskoðun á öllum útgjöldum sveitarsjóðs.  Boðað var til vinnufunda allra nefnda og stjórnenda sveitarfélagsins síðastliðinn laugardag.    Góð mæting nefndarmanna og ágætlega skipulögð dagskrá skilaði góðri vinnu þennan dag.   Á þessum vinnufundum voru allir útgjaldaliðir nefnda skoðaðir og krufðir til mergjar.

Auglýsing um starfsleyfistillögu skv. XI. kafla reglugerðar um starfsleyfi fyrir atvinnurekstur sem að getur haft í för með sér mengun, nr. 785/1999.
Þann 27. nóv. til 31. des. n.k. liggur frammi til kynningar á skrifstofu Eyjafjarðarsveitar Syðra-Laugalandi, tillaga að starfsleyfi ásamt starfsskilyrðum vegna jarðgerðar á lífrænum úrgangi hjá eftirfarandi aðila:

Molta ehf
Þveráreyrum 1a
Eyjafjarðarsveit

Litli Þorlákur er haldinn hátíðlegur í Jólagarðinum og er laugardagurinn fyrir fyrsta dag aðventu. Þennan dag er fólk að klára undirbúninig aðventunnar, huga að kransinum, jóladagatölum, aðventukertunum og Húskarlahangikjötinu sem allt þarf að vera komið á sinn stað fyrir fyrsta sunnudag í aðventu.
Þessi dagur hefur eftir því sem árin hafa liðið orðið mikill stemnings-dagur í Jólagarðinum, svona eins og lítill Þorlákur þar sem virkilega er dekrað við þá sem heimsækja Jólagarðinn.

Ljós í Myrkrinu
Jólastemning á Minjasafninu á Akureyri
Aðventuævintýrið á Akureyri hefst á Minjasafninu  laugardaginn 22. nóvember  á opnunartíma safnins frá kl 14-16 með notalegri stemningu innan um áhugaverðar sýningar sem varpa ljósi á fortíðina. Jólalegur blær er yfir sýningunni Hvað er í matinn?
Nánari upplýsingar á vef Minjasafnsins www.akmus.is

Tónleikar á Degi íslenskrar tungu, 16. nóvember 2008 kl. 15.00.
Flytjendur: Hlín Pétursdóttir Behrens / sópran & Hrefna Eggertsdóttir / píanó.
Efnisskrá: Íslensk einsöngslög við texta eftir m.a. Þórarin Eldjárn, Tómas Guðmundsson, Davíð Stefánsson, Höllu Eyjólfsdóttur, Hannes Pétursson, Sveinbjörn I. Baldvinsson og Davíð Þór Jónsson.

Árlega heldur Laugarborg Dag íslenskrar tungu hátíðlegan með tónleikum af þessu tagi.

Menntamálaráðherra mun á næstu vikum fara um landið og kynna nýja menntastefnu og ný lög um þrjú skólastig og menntun kennara. Miðvikudaginn  5. nóvember n. k. verður haldinn fundur í Menntaskólanum á Akureyri rá kl. 20-22.