Fréttayfirlit

Sundnámskeið á vegum Íþrótta- og tómstundanefndar Eyjafjarðarsveitar

Þá er aftur komið að því.
Ingibjörg Ísaksen ætlar að halda sundnámskeið í Sundlaug Eyjafjarðarsveitar. Þar ætlar hún að fara sérstaklega vel í skriðsund og tækni til að ná betri árangri í sundi almennt.

Mánudaginn 2. júní s. l. tók Guðmundur Jóhannsson við starfi sveitarstjóra Eyjafjarðarsveitar. Hann hafði þá unnið við hlið forvera síns, Bjarna Kristjánssonar frá miðjum maí mánuði. Guðmundur er boðinn velkominn til starfa.

Kvennahlaup ÍSÍ verður laugardaginn 7. júní undir leiðsögn Helgu Sigfúsdóttur. Hlaupið verður frá bílastæði Hrafnagilsskóla. Skráning hefst, við innganginn að skólanum, kl. 10:30 og upphitun kl. 11:00. Þátttökugjald er 1000 krónur.

Föstudaginn 30. maí s. l. lét Bjarni Kristjánsson af starfi sveitarstjóra Eyjafjarðarsveitar, eftir 10 ára farsælt starf.

Tónleikar 1. júní 2008 kl. 15.00 í Laugarborg
Miðaverð kr. 2.500,-

RAGGI BJARNA & BERGÞÓR PÁLSSON
ásamt hljómsveit hússins
Daníel Þorsteinsson / flygill & harmóníka
Eiríkur Stephensen / kontrabassi
Halldór Hauksson / trommur

Veðurguðirnir voru í sínu besta skapi á Norðurlandi um helgina. Hægur andvari af suðri, varla skýhnoðri á himni og hitinn uppundir 20 stig. Eyfirðingar fjölmenntu í sundlaugarnar á svæðinu og var þessi mynd tekin í Sundlaug Eyjafjarðarsveitar í gær þar sem gestirnir sleiktu sólina í gríð og erg.

Frá Íþróttamiðstöð Eyjafjarðarsveitar
Vegna viðhalds verður heiti potturinn við sundlaug Hrafnagilsskóla lokaður frá 20. maí til 30. maí. Öll önnur aðstaða er opin og það hefur verið bætt við nýjum leiktækjum fyrir börnin.
Íþrótta og tómstundafulltrúi.

Miðvikudaginn 14. maí átti sveitarstjórn Eyjafjarðarsveitar fund með Kristjáni L. Möller, samgöngu-ráðherra.

Vegna framkvæmda við norðurinngang Íþróttamiðstöðvar Eyjafjarðarsveitar næstu 3-4 vikur, eru gestir beðnir um að nota suðurinnganginn. Við biðjumst velvirðingar á þeim óþægindum sem þetta kann að valda.

Íþrótta og tómstundafulltrúi.