Fréttayfirlit

Menntamálaráðuneytið boðar til opins borgarafundar til kynningar og umræðna um ný lög um skóla og menntun. Fundurinn verður haldinn í Menntaskólanum á Akureyri 5. nóvember frá kl. 20:00 - 22:00.

Forvarnardagurinn verður haldinn í þriðja sinn næstkomandi, fimmtudag, 6. nóvember, um land allt. Forvarnardagurinn er haldinn að frumkvæði forseta Íslands í samstarfi við  Samband íslenskra sveitarfélaga, Bandalag íslenskra skáta, Ungmennafélag Íslands o.fl.  Nánari upplýsingar má fá með því að smella á tengilinn hér http://www.forvarnardagur.is/

Tónlistarskóli Eyjafjarðar er 20 ára um þessar mundir og á þeim tímapunkti er eðlilegt að blása til tónleikaveislu.  Vikuna 3. – 7. nóvember verðum við á faraldsfæti og höldum tónleika á hverjum degi. 

Frá Björgunarsveitinni Dalbjörgu: Hin árlega reykskynjarayfirferð Dalbjargar verður farin helgina 1. – 2. nóvember. Þetta verður með svipuðu sniði og undanfarin ár, við munum fara í öll hús í sveitinni og selja rafhlöður fyrir reykskynjara og einnig er hægt að panta slökkvitæki og sjúkrakassa hjá okkur.
Einnig munum við hafa Neyðarkallinn til sölu sömu helgi. Sala á honum er góð fjáröflun fyrir hjálparsveitina og því vonumst við eftir góðum móttökum eins og undanfarin ár.
Nánari upplýsingar hjá Elmari í síma 8917981.

Anna Guðný Guðmundsdóttir píanóleikari heldur tónleika í Tónlistarhúsinu Laugarborg sunnudaginn 26. október  kl. 15.00. Efnisskrá: Oliver Messiaen / Tuttugu tillit til Jesúbarnsins

Tilefni tónleikanna er aldarafmælis tónskáldsins og hálfrar aldar afmæli píanóleikarans.

Eins og fram hefur komið hér á heimasíðunni okkar, stendur íþrótta- og tómstundanefnd Eyjafjarðarsveitar fyrir leikjaskóla fyrir 3. – 5. ára börn nú á haustmánuðum.
Ritstjórn heimasíðunnar bárust skemmtilegar myndir frá fyrstu kennslustundinni sem sjá með því að smella á tengilinn hér að neðan.

Myndir frá leikjaskóla ÍTE

FRÉTTATILKYNNING FRÁ TÓNLISTARHÚSINU LAUGARBORG

Tónleikar fimmtudaginn 23. október kl. 20.30
Aðgangseyrir kr. 2.000,-

Flytjendur:
Margot Kiis / söngur
Gunnar Hrafnasson / kontrabassi

Á dagsskránni verða ýmis erlend og íslensk djasslög í útsetningum eftir Margot og Gunnar.

Sundleikfimi fyrir aldraða

Leikjaskóli fyrir börn á aldrinum 3. – 6. ára