Fréttayfirlit

Þórir Jóhannsson kontrabassaleikari & Sólveig Anna Jónsdóttir píanóleikari halda tónleika í Laugarborg 13. mars kl. 20.30 & Dalvíkurkirkju 15. mars kl. 16.00   
Á efnsiskránni verða verk eftir Schubert, Bottesini, Koussevitzky, Fauré, Oliver Kentish og Karólínu Eiríksdóttur.

AÐGANGUR AÐ TÓNLEIKUNUM ER ÓKEYPIS

Vínland er fjölmennur söngleikur eftir Helga Þórsson sem gerist á tímum víkinga  meðal norrænna manna á Grænlandi og svo færist sögusviðið yfir til Vínlands í Ameríku. Sagan fjallar um; ástir og örlög, kristni og heiðni, víkinga og indjána, gleði og sorgir en umfram allt mennskuna sem alltaf er söm við sig í gegnum allar aldir.

Eyjafjarðarsveit  er útnefnt í 3. sæti við val á  draumasveitarfélaginu árið 2008, vegna ársins 2007, í Vísbendingu, vikuriti um viðskipti og efnahagsmál.
Vísbending gefur sveitarfélögunum einkunn samkvæmt nokkrum mælikvörðum sem vikuritið gengur út frá og fær Eyjafjarðarsveit 6,7. 

Tónlistarhúsið Laugarborg

Emil Friðfinnsson, horn
Þórarinn Stefánsson, píanó
Emil og Þórarinn verða fulltrúar Myrkra Músikdaga fyrir norðan en þeir félagar áttu frábæra tónleika í Hafnarborg sl. þriðjudag.  Þeir munu endurtaka stórglæsilega dagskrá sína í Tónlistarhúsinu Laugarborg föstudaginn 13. febrúar n. k. kl. 20.00 (ekki 19.30 eins og stendur í hátíðarbæklingi).
Á dagskránni eru m.a. verk eftir Tryggva M. Baldvinsson, Jónas Tómasson og Óliver Kentish.
 

Nú fer bráðlega fram námskeiðið: "Sýndu hvað í þér býr" sem er á vegum UMFÍ, Bændasamtakanna og Kvennfélagasambands Íslands.
Tvö námskeið verða haldin hér í Eyjafirðinum, 4. og 5. febrúar.
Markmiðið með námskeiðinu er að efla starf aðildarfélaganna og þjálfa einstaklinga til starfa. Þátttakendur í námskeiðinu fá þjálfun í ræðumennsku og fundarsköpum.
Námskeiðið er öllum opið.

Þorrablót   Eyjafjarðarsveitar verður haldið í Íþróttahúsi Hrafnagilsskóla laugardaginn 31. janúar n.k.
Bændur, búleysingjar og brottfluttir velkomnir ásamt gestum.
Miðapantanir sunnudagskvöldið 25. jan. og mánudagskvöldið 26. jan. á milli kl. 20:00 og 22:00 í símum:
463-1242 / 894-0700 Jóna og Sverrir
586-2928 / 660-3618 Sirra og Einar
463-1272 / 894-1273 Rósa og Gutti

Landsmót UMFÍ, það 26. í röðinni, verður haldið á Akureyri dagana 9. til 12. júlí í sumar. Mótið verður sögulegt því í ár eru liðin eitthundrað ár frá því að fyrsta Landsmót UMFÍ var haldið á Akureyri. Þessara tímamóta verður minnst á ýmsan hátt í tengslum við landsmótið. Landsmót UMFÍ eru fjölmennustu íþróttamót á Íslandi, ætla má að keppendur verði um 2.000 og búast má við að landsmótsgestir verði á annan tug þúsunda.

Guðmundur Jóhannsson hefur látið af störfum hjá Eyjafjarðarsveit. Sveitarstjórn þakkar Guðmundi unnin störf og óskar honum velfarnaðar á nýjum vettvangi.

Arnar Árnason oddviti og Stefán Árnason skrifstofustjóri munu sinna störfum sveitarstjóra.

Eyjafjarðarsveit 16.1.2009, Sveitarstjórn.