Fréttayfirlit

Nú er varptíminn í algleymingi og vert að minna á 9. og 15. gr. samþykktar um hunda og kattahald, en þar segir m.a.: „Eigendum og forráðamönnum katta ber að taka tillit til fuglalífs á varptíma, t.d. með því að takmarka útiveru þeirra og eftir atvikum hengja á þá bjöllu.” Í samþykktinni kemur einnig m.a. fram að eigendur eða umráðamenn katta skulu gæta þess að dýrin valdi ekki hættu, óþægindum, óþrifnaði, óöryggi eða verði mönnum til óþæginda á annan hátt. Ef dýrin valda nágrönnum eða öðrum ónæði, óþrifum eða tjóni þá er eiganda eða umráðamanni skylt að leita leiða til að koma í veg fyrir slíkt. Nauðsynlegt er að halda fjölgun katta í hófi. Vanti kattagildru eða aðstoð við fækkun katta má hafa samband í vaktsíma 463-0615. Sveitarstjóri.

Ríkislögreglustjóri, í samráði við lögreglustjóra og slökkviliðsstjórana á Norðurlandi Eystra hafa ákveðið að lýsa yfir óvissustigi almannavarna vegna hættu á gróðureldum. Þessi ákvörðun er byggð á að lítið hefur rignt á svæðinu undanfarið og veðurspá næstu daga sýnir heldur ekki neina úrkomu af ráði. Þetta þýðir að aðeins Austurland, Vestur Skaftafellssýsla og Vestmannaeyjar eru ekki á óvissu- eða hættustigi vegna gróðurelda. Í dag var slökkvilið Akureyrar kallað út vegna sinubruna við Lundeyri í norðanverðu Holtahverfi. Mikinn reyk lagði yfir nágrennið. Í gær varð einnig sinubruni á Ólafsfirði, sem er í fyrsta skipti í langan tíma á því svæði. Almenningur er hvattur til að sýna aðgát með opinn eld á svæðinu, ekki síst þar sem gróður er þurr. Það þarf ekki mikinn neista til þess að af verði stórt bál. Ef fólk verður vart við gróðurelda á strax að hringja í 112. Óvissustig almannavarna þýðir að aukið eftirlit er haft með atburðarás sem á síðari stigum gæti leitt til þess að heilsu og öryggi fólks, umhverfis eða byggðar verði ógnað. Að lýsa yfir óvissustigi er hluti af verkferlum í skipulagi almannavarna til að tryggja formleg samskipti og upplýsingagjöf á milli viðbragðsaðila og almennings. Hér á heimasíðunni má nálgast upplýsingar um ýmsar varnir til að draga úr hættu af gróðureldum, einnig eru góðar upplýsingar á https://www.grodureldar.is/

Hrafnagilsskóli stendur fyrir alþjóðlegum þriggja daga fjarmenntabúðum ásamt grunnskólum frá Þýskalandi og Finnlandi og háskóla í Eistlandi. Menntabúðirnar eru liður í Erasmusverkefni sem Hrafnagilsskóli hefur verið aðili að síðastliðin þrjú ár. Markmið verkefnisins er að finna leiðir til að uppfylla markmið náms með hjálp tækni og er heiti verkefnisins ,,Making Technology Meaningful Through Digital Pedagogy”. Alls hafa þátttakendur frá 9 þjóðum skráð sig til leiks og er það afar ánægjulegt. Verkefnastjóri Erasmusverkefnisins fyrir hönd Hrafnagilsskóla er Hans Rúnar Snorrason.

Innritun fyrir næsta skólaár stendur nú yfir í TE (Tónlistarskóla Eyjafjarðar) og fer hún fram rafrænt. Umsóknarfrestur er til 1. júní en gott að skrá nemendur sem allra, allra fyrst. Tengill á síðuna er: http://tonlist.krummi.is/?page_id=835 Í Tónlistarskóla Eyjafjarðar er hægt að læra á næstum öll hljóðfæri; píanó, orgel, harmoniku, gítar og ukulele, bassa, selló, kontrabassa, fiðlu og lágfiðlu, þverflautu og blokkflautu, saxafón, klarinett, trompet, og básúnu, slagverk/trommur og söng. Kennt er bæði eftir klassískum og rythmískum námskrám og áhugasviði nemenda. Einnig er boðið upp á kennslu eftir Suzuki aðferð á fiðlu og selló. Þriðjudaginn 18. maí, fóru kennarar úr Tónlistarskóla Eyjafjarðar í alla samstarfsgrunnskólana með hljóðfærakynningar; Hrafnagilsskóla, Þelamerkurskóla, Valsárskóla og Grenivíkurskóla. Kynnt voru hin ýmsu hljóðfæri sem vonandi kveikti forvitni nemenda.

Vegna námskeiða og sundprófa starfsmanna verður Íþróttamiðstöðin lokuð miðvikudaginn 26. og fimmtudaginn 27. maí. Forstöðumaður

Um er að ræða 60% stöðu í þrifum, öðrum tilfallandi verkefnum og afleysingu á deildum frá og með 10. ágúst. Leikskólinn er í Hrafnagilshverfi. Við mat á umsóknum er horft til eftirfarandi: • Lipurðar í samskiptum • Íslenskukunnáttu • Reynslu og/eða menntun sem nýtist í starfi Frekari upplýsingar veitir Erna Káradóttir leikskólastjóri í síma 464-8120, netfang erna@krummi.is. Umsóknarfrestur er til og með 1. júlí 2021. Umsóknum skal fylgja ferilskrá og upplýsingar um meðmælendur. Umsóknir skal senda til leikskólastjóra á netfangið erna@krummi.is.

Á fundi sveitarstjórnar Eyjafjarðarsveitar 20. maí var ársreikningur Eyjafjarðarsveitar fyrir árið 2020 lagður fram. Rekstrarniðurstaða A og B hluta var jákvæðu um 101 millj kr.

Óskum eftir að ráða iðjuþjálfa eða þroskaþjálfa að Hrafnagilsskóla í Eyjafjarðarsveit. Um er að ræða 80% stöðu og ráðið er frá 1. ágúst 2021.

Börn sem koma af tekjulægri heimilum og eru fædd á árunum 2005-2014 geta fengið 45.000 krónur í sérstakan íþrótta- tómstundarstyrk. Kannaðu rétt þinn á https://island.is/styrkur-til-ithrotta-og-tomstundastarfs. Umsóknarfrestur er til 31. júlí 2021 - en hægt er að fá endurgreitt fyrir iðkun frá september 2020. Nánari upplýsingar er hægt að nálgast hjá þínu sveitarfélagi eða hér að neðan. You can now use the special leisure activity grant this summer! If your child is between 6 and 15 years of age, he or she could be entitled to a special activity grant of ISK 45.000. Application deadline is July 31. 2021 and you can get the grant for activities registered after September 2020. You will find further information about the grant below. https://www.mcc.is/tomstundir-enska/ Teraz dotacja na zajęcia sportowe i rekreacyjne może zostać wykorzystana również na zajęcia letnie! Dzieci z rodzin o niższych dochodach, urodzone w latach 2005-2014 mogą otrzymać 45.000 kr. dotacji na zajęcia sportowe i rekreacyjne. Sprawdź czy jesteś uprawniony do skorzystania z dotacji https://island.is/styrkur-til-ithrotta-og-tomstundastarfs. Okres składania wniosków upływa z dniem 31 lipca 2021. Dotację można przeznaczyć na zwrot za rachunki obejmujące zajęcia od września 2020 roku. Dokładniejsze informacje uzyskasz w swojej gminie zamieszkania https://www.mcc.is/tomstundir-polska/

Sveitarfélagið mun bjóða íbúum aðgang að matjurtargörðum í gömlu kálgörðunum í Hrafnagilshverfi, norðan Bakkatraðar, sumarið 2021. Hver reitur verður 15 fermetrar að stærð og kostar leiga á honum 4.000 kr. fyrir tímabilið. Undirbúningur garðanna hefst fljótlega og er áhugasömum bent á að sækja um reit með því að senda tölvupóst á esveit@esveit.is með yfirskriftinni Matjurtagarðar 2021 eða með því að hringja í síma 463-0600.