Fréttayfirlit

"Í gær, 11. febrúar, opnaði fyrir umsóknir í nýjan sjóð Atvinnuvega- og nýsköpunarráðuneytisins. Stofnun sjóðsins, sem fengið hefur nafnið Lóa, er liður ráðuneytisins í að styðja við nýsköpun á landsbyggðinni vegna fyrirhugaðrar niðurlagningar Nýsköpunarmiðstöðvar Íslands. Heildarfjárhæð sem úthlutað verður 2021 er 100 milljónir króna og er hámarksstyrkur hvers verkefnis 20 milljónir króna. Úthlutað er til 1 árs í senn og skulu verkefnin miða við það."

Í næstu viku er safnið aðeins opið á þriðjudaginn 16. febrúar frá kl. 16:00 – 19:00. Á miðvikudaginn 17. og fimmtudaginn 18. er lokað vegna vetrarleyfis í skólanum. Venjulega er opið á safninu: Þriðjudaga frá 16.00-19.00 Miðvikudaga frá 16.00-19.00 Fimmtudaga frá 16.00-19.00 Á safninu er fjöldi bóka, tímarita og upplýsingaefnis, bæði til útláns, lestrar og skoðunar á staðnum. Komið við á bókasafninu og kynnið ykkur hvað þar er að finna. Að sjálfsögðu ber að viðhafa þær varúðarráðstafanir sem mögulegt er, t.d. handþvott og sprittun áður en komið er inn á safnið og áður en farið er út aftur og tveggja metra regluna. Þær bækur sem koma inn eru sótthreinsaðar eins og kostur er og fara ekki í útlán strax. Bókasafnið er staðsett í kjallara íþróttahúss Hrafnagilsskóla og er gengið inn að austan. Ekið er niður með skólanum að norðan.

Skrifstofa Eyjafjarðarsveitar og Íþróttamiðstöðin halda öskudaginn með óbreyttu sniði og eru allskyns kynjaverur velkomnar úr sveitarfélaginu með söng og gleði. Hlökkum til að sjá ykkur.

Álagningarseðlar fasteignagjalda fyrir árið 2021 eru nú aðgengilegir á island.is.

Líkamsræktaraðstaðan mun opna aftur á mánudaginn. • Það þarf að bóka tíma með því að hringja í síma 464-8140 • Hámark 2 í einu, nema ef um er að ræða fjölskyldu eða vini þá er leyfilegt að vera fleiri saman Tímarnir eru klukkutíma tímar sem byrja á heila tímanum, nema á morgnana en þá er tíminn kl 6:30-8:00

Fimmtudaginn 11. febrúar næstkomandi verður árshátíð miðstigs Hrafnagilsskóla. Nemendur miðstigs bjóða til sölu ,,heimabíópakka” sem inniheldur slóð á stuttmyndina, rafræna leikskrá, hugmyndir að góðu heimakvöldi og óvæntan glaðning. Pakkinn kostar 1.000 krónur og pantanir þurfa að berast til Nönnu á nanna@krummi.is í síðasta lagi miðvikudaginn 10. febrúar.

FUNDARBOÐ. 560. fundur sveitarstjórnar Eyjafjarðarsveitar verður haldinn í fundarstofu 1, Skólatröð 9, 4. febrúar 2021 og hefst kl. 15:00.

Lausnamót Hacking Norðurland er lausnamót sem fer fram dagana 15.-18. apríl 2021 á Norðurlandi. Unnið verður með sjálfbæra nýtingu auðlinda svæðisins með tilliti til matar, vatns og orku. Markmið lausnamótsins er að efla frumkvöðlastarf og sköpunarkraft á svæðinu og þannig stuðla að nýjum verkefnum og viðskiptatækifærum. Lausnamótinu er ekki síður ætlað að vekja athygli á því öfluga frumkvöðlasamfélagi sem er á Norðurlandi. Hacking Norðurland er samstarfsverkefni Hacking Hekla, Eims, Nordic Food in Tourism, SSNE, SSNV og Nýsköpun í norðri. Íslandsbanki styrkir verkefnið.

Sveitarstjórn Eyjafjarðarsveitar samþykkti á fundi sínum 14. janúar sl. að vísa skipulagslýsingu fyrir íbúðarsvæði í landi Bjarkar í lögformlegt kynningarferli.

Sveitarstjórn Eyjafjarðarsveitar samþykkti á fundi sínum þann 14. janúar 2021 að auglýsa tillögu að deiliskipulagi fyrir þriðja áfanga íbúðarsvæðis í landi Kotru í Eyjafjarðarsveit.