Fréttayfirlit

Eins og venjulega lokar almenningsbókasafnið yfir sumarið og opnar aftur í byrjun september. Föstudagurinn 30. maí er síðasti opnunardagur á þessu vori. Þá er opið frá kl. 14:00-16:00.

Sveitarstjórn Eyjafjarðarsveitar samþykkti á 649. fundi sínum þann 26. febrúar 2025 að auglýsa að nýju tillögu að deiliskipulagi íbúðarsvæðis í Leifsstaðabrúnum skv. 41. gr. skipulagslaga nr. 123/2010. Deiliskipulagið tekur til þriggja íbúðarhúsalóða á svæði sem auðkennt er íbúðarsvæði ÍB16 í gildandi aðalskipulagi sveitarfélagsins.

Hinsegin hátíð á Norðurlandi eystra verður haldin í fyrsta skiptið dagana 18.–22. júní 2025. Öll sveitarfélög á Norðurlandi eystra standa að hátíðinni og stefnt er að því að viðburðir fari fram sem víðast í öllum landshlutanum.

Vegna viðhalds og viðgerða verður vaðlaugin (vá, mörg vöff!) lokuð í dag mánudaginn 12. maí og á morgun þriðjudaginn 13. maí. Biðjumst velvirðingar á ástandinu sem ekki var umflúið. Starfsfólk Íþróttamiðstöðvar.

Nú er varptíminn í algleymingi og vert að minna á 15. gr. samþykktar um hunda og kattahald, en þar segir: „Eigendum og forráðamönnum katta ber að taka tillit til fuglalífs á varptíma, t.d. með því að takmarka útiveru þeirra og eftir atvikum hengja á þá bjöllu.”

FUNDARBOÐ 655. fundur sveitarstjórnar Eyjafjarðarsveitar verður haldinn í fundarstofu 2, Skólatröð 9, fimmtudaginn 8. maí 2025 og hefst kl. 08:00.

Opið er fyrir rafrænar skráningar í vinnuskólann sumarið 2025 – miðað er við að skráningu sé lokið 20. maí.