Fréttayfirlit

Handverkshátíðin í Eyjafjarðarsveit er nú haldin í 25. skiptið og við fögnum þessum tímamótum á margvíslegan hátt með veglegri Handverkshátið.

UR BJÖRK - handverk í heimsklassa! Knut Östgård er heiðursgestur Handverkshátíðar 2017. Knut kom verkefninu á laggirnar en það hafði lengi verið draumur hans „að smíða úr heilu birkitré“. Þegar 21 smiður í viðbót hafði ákveðið hvað skyldi smíðað fengu allir umbeðinn hluta af einu birkitré. Sumir ákváðu að einbeita sér að einum eða fáum hlutum en aðrir völdu að smíða eins marga hluti og mögulegt var.

Sundlaug Eyjafjarðarsveitar verður opin milli kl. 10:00 - 20:00 alla verslunarmannahelgina og á frídegi verslunarmanna.

Tilboð voru opnuð í fyrri áfanga nýs hjóla- og göngustígs frá Hrafnagilshverfi að Akureyri í dag, 31. júlí 2017. Framkvæmdin mun auka öryggi og draga stórlega úr slysahættu vegfarenda.

14 ára afmæli Smámunasafnsins, 50% afsláttur af aðgöngumiðum, glæsilegt kaffihlaðborð að hætti kvenfélagsins Hjálparinnar, leiðsögn um Saurbæjarkirkju og flóamarkaður í bílskúrnum.

Handverkshátíðin í Eyjafjarðarsveit er nú haldin i 25. skiptið og við fögnum þessum tímamótum á margvíslegan hátt með veglegri Handverkshátið. Handverkshátíð hefur löngu sannað tilvist sína sem vettvangur þar sem hittist handverksfólk víðs vegar að af landinu, skemmra sem lengra komnir, einstaklingar sem handverkshópar. Sú var einmitt hugmyndin að baki hátíðinni í upphafi – að leiða fólk saman sem deildi þeirri sameiginlegu sýn að efla íslenskt handverk og tryggja að þekking á gömlu íslensku handverki færðist milli kynslóða.

Sunnudaginn 30. júlí kl. 12 opnar sænska farandsýningin UR BJÖRK, eða úr birki, í Hrafnagilsskóla. Að sýningunni standa 22 handverksmenn og -konur sem skiptu á milli sín heilu birkitré og fengu það hlutverk að nýta allt efnið með frjálsum huga og höndum. Sýningin er fengin hingað í tengslum við Handverkshátíðina og verður opin frá 30. júlí til 13. ágúst kl. 12-18. Miðaverð er 500 kr. fyrir fullorðna eða armband sem gildir á Handverkshátíðina, 1.000 kr.

Hvernig væri að bregða sér til miðalda? Kannski til ársins 1317? Það er hægt á Gásum rétt utan við Akureyri á Miðaldadögum 14. til 16. júlí. Gásir er einn helsti verslunarstaður á Norðurlandi á miðöldum frá c.a 1100-1600. Hvergi eru varðveittar jafnmiklar mannvistarleifar frá verslunarstað frá þessum tíma.

Eyjafjarðarsveit óskar eftir tilboðum í verkið Hjólreiða- og göngustígur í Eyjafjarðarsveit. Verkið felur í sér lagningu 7.200 metra hjólreiða- og göngustíg, frá bæjarmörkum Akureyrar að Hrafnagili, ásamt lengingu stálröraræsa, endurnýjun og gerð nýrra ræsa undir stíg og lagfæringar á girðingum

Gengið hefur verið frá ráðningu nýs leikskólastjóra. Það er hún Erna Káradóttir sem hefur verið ráðin til starfsins og mun hún hefja störf í ágúst.