Fréttayfirlit

Ert þú hress og skemmtileg/ur, hefur áhuga á ferðaþjónustu og elskar að vera úti? Setur þú öryggið á oddinn og hefur góða þjónustulund? Hefur þú áhuga á umhverfinu og langar að vinna úti í sumar? Endilega kíktu á störfin sem eru í boði og vertu í sambandi ef þú sérð eitthvað spennandi

Minnum á innritun í leikskólann fyrir haustið 2022. Tökum við umsóknum til 13. apríl 2022. Endilega sendið inn umsóknir í tíma.

Í næstu viku er safnið lokað vegna vetrarleyfis í skólanum Föstudagurinn 25. febrúar er síðasti opnunardagur fyrir vetrarleyfi. Við opnum aftur þriðjudaginn 8. mars. Venjulega er opið á safninu: Þriðjudaga frá 14:00-17:00 Miðvikudaga frá 14:00-17:00 Fimmtudaga frá 14:00-18:00 Föstudaga frá 14:00-16:00 Á safninu er fjöldi bóka, tímarita og upplýsingaefnis, bæði til útláns, lestrar og skoðunar á staðnum. Komið við á bókasafninu og kynnið ykkur hvað þar er að finna. Bókasafnið er staðsett í kjallara íþróttahúss Hrafnagilsskóla og er gengið inn að austan. Ekið er niður með skólanum að norðan. Einnig er hægt að nota sundlaugarinnganga og fara niður í kjallara þaðan.

Sveitarstjórn Eyjafjarðarsveitar - 582 FUNDARBOÐ 582. fundur sveitarstjórnar Eyjafjarðarsveitar verður haldinn í fundarstofu 1, Skólatröð 9, 24. febrúar 2022 og hefst kl. 8:00.

Ákveðið hefur verið að kynningartímabil deiliskipulagstillögu á vinnslustigi fyrir Hrafnagilshverfi skuli framlengt um tvær vikur til 4. mars 2022. Deiliskipulagstillagan mun liggja frammi á sveitarskrifstofunni og vera aðgengileg á heimasíðu sveitarfélagsins, esveit.is, meðan á kynningartímabilinu stendur.

Hér má nálgast hlekk á kynningarfund um aðal- og deiliskipulagstillögu Hrafnagilshverfis. Hlekkur á fund https://us02web.zoom.us/j/88437644333

Eyjafjarðarsveit óskar eftir tilboðum í fyrsta áfanga viðbyggingar við Hrafnagilsskóla. Um er að ræða steypu sökkla og botnplötu ásamt lagnavinnu.

Veður og færð hefur haft áhrif á okkur þessa vikuna auk þess sem Covid er á hraðri uppleið á svæðinu sem hefur áhrif á ýmsa starfsemi. Terra hefur ekki farið varhluta af þessu og eru þau að vinna í sorplosun sem hefur tafist af þessum orsökum.

Mikill fjöldi Covid tilfella hafa gengið yfir leikskólann Krummakot í undanfarinni viku og hófst ný vika á sömu nótum. Nú eru 11 starfsmenn fjarverandi vegna faraldursins og fjöldi barna. Starfsmenn skólans hafa gert sitt besta við að halda starfseminni gangandi og hafa fengið mjög svo mikils metna aðstoð frá foreldrum sem létt hafa á starfseminni með því að draga úr veru barna sinna á leikskólanum meðan ástandið gengur yfir.

Sveitarfélagið leitar eftir að fá keypt land undir athafnasvæði. Leitað er eftir hið minnsta 10 hekturum á svæðinu norðan Miðbrautar, mikilvægt er að gott aðgengi sé að landinu frá Eyjafjarðarbraut. Áhugasamir landeigendur hafi samband við sveitarstjóra í síma 463-0600 eða með tölvupósti á sveitarstjori@esveit.is. Finnur Yngvi Kristinsson Sveitarstjóri