Fréttayfirlit

Allar nánari upplýsingar um Lífshlaupið er að finna á vefsíðu verkefnisins www.lifshlaupid.is Lífshlaupið er heilsu- og hvatningarverkefni Íþrótta- og Ólympíusambands Íslands sem höfðar til allra landsmanna. Markmið þess er að hvetja landsmenn til þess að fara eftir ráðleggingum Embættis landlæknis um hreyfingu hvort sem er í frítíma, vinnu, skóla eða við val á ferðamáta. Í ráðleggingunum segir að börn og unglingar ættu að hreyfa sig í minnst 60 mínútur daglega og fullorðnir ættu að stunda miðlungserfiða hreyfingu í minnst 30 mínútur daglega. Eins og ávallt hvetjum við alla landsmenn til þess að taka þátt í Lífshlaupinu og skapa skemmtilega stemningu og auka félagsandann á vinnustaðnum/í skólanum. Það er gaman að geta fylgst með sinni hreyfingu og jafnframt tekið þátt í þessari skemmtilegu landskeppni.

Rafræna nefndin heldur áfram að undirbúa þorrablót sem haldið verður laugardagskvöldið 29. janúar kl. 21.

Kæru félagar. Því miður fellum við niður félagsstarfið til 8. febrúar vegna hertra aðgerða stjórnvalda. En vonandi getum við mætt þá. Kv. stjórnin.

Tafir verða á tæmingu endurvinnslu í innri hring vegna veðurs. Farið verður af stað aftur þegar vindur minnkar. 

Ertu að vinna með ungu fólki eða ert sjálf/ur/t á aldrinum 18-30 ára? Komdu þá á kynninguna Vertu breytingin! um styrki fyrir ungt fólk til að framkvæma verkefni sem hafa jákvæð áhrif á samfélagið fimmtudaginn 20. janúar kl. 15:00! ➡️ https://www.facebook.com/events/894393367889265 This Friday session will be conducted in English whereas the one on Thursday will be in Icelandic. Timing: 21 January, 14:00-15:30. Skráðu þig hér ➡️ https://docs.google.com/forms/d/e/1FAIpQLScA_rYevmBM2BOFCfTT4J_ZzQ7SUw7BCUGSdSelwOjOba0Fjg/viewform?usp=sf_link

Föstudaginn 14. janúar næstkomandi verður árshátíð unglingastigs. Nemendur völdu að setja upp stytta útgáfu af söngleiknum Mamma Mia þar sem lög ABBA fá að hljóma. Vegna samkomutakmarkana geta þeir ekki haldið sýninguna með hefðbundnum hætti. Planið er að leyfa gestum sem farið hafa í hraðpróf að koma á kvöldsýninguna en taka sýninguna einnig upp um morguninn og áhugasamir geta keypt rafrænan aðgang. Allir nemendur unglingastigs taka þátt í uppfærslunni því auk þess að leika, dansa og syngja á sviði sjá unglingarnir um búninga, förðun, leikmynd, leikskrá og alla tæknivinnu. Nemendur unglingastigs bjóða því til sölu ,,heimaleikhúspakka” sem inniheldur slóð á leikritið og rafræna leikskrá. Pakkinn kostar 1.500 krónur og pantanir þurfa að berast til Nönnu, nanna@krummi.is, fyrir klukkan 10:00 föstudaginn 14. janúar. Aðgangseyrir á sýninguna í Laugarborg er 1.000 kr. Ágóðinn verður nýttur fyrir nemendur unglingastigs, t.d. í lyftugjöld í skíðaferð og fleira skemmtilegt. Við þökkum stuðninginn, nemendur unglingastigs Hrafnagilsskóla

Á fundi sínum þann 21.nóvember síðastliðinn samþykkti sveitarstjórn Eyjafjarðarsveitar að veita styrk allt að 500.000kr til heimila vegna uppsetningar varmadæla á árinu 2022 eða síðar.

Ójá – við ætlum að halda þorrablót!!! Ekki hefðbundið blót í íþróttasalnum heldur RAFRÆNT þorrablót þann 29. janúar kl. 21:00. Svo ykkur er óhætt að fara að viðra sparifötin, móta þorrakúluna ykkar (stærð hennar fer eftir þeim samkomutakmörkunum sem verða ríkjandi þetta kvöld), undirbúa matarmálin (hægt verður að panta tilbúna þorrabakka) og bara almennt fara að hlakka til!! Við verðum með tilbúna rafræna dagskrá handa ykkur svo það eina sem þið þurfið að gera er að opna skjáinn og eiga GEGGJAÐA kvöldstund fyrir framan hann. Skoðið facebook síðuna Þorrablót Eyjafjarðarsveitar, líkið við hana og finnið ennfremur „viðburðinn“ Þorrablót Eyjafjarðarsveitar 2022. Skráið endilega þátttöku ykkar (going) og þá eruð þið sjálfkrafa þátttakendur í frábæru happdrætti þar sem veglegir vinningar verða í boði. Allt þetta verður aðgengilegt og ókeypis fyrir alla þetta kvöld – líka þá sem eru í sóttkví, einangrun og óbólusettir

Sveitarstjórn Eyjafjarðarsveitar - 579 FUNDARBOÐ 579. fundur sveitarstjórnar Eyjafjarðarsveitar verður haldinn í fundarstofu 1, Skólatröð 9, 13. janúar 2022 og hefst kl. 8:00 Dagskrá Fundargerðir til staðfestingar 1. Menningarmálanefnd Eyjafjarðarsveitar - 188 - 2112001F 1.1 2112003 - Umsóknir um styrk til menningarmála 2021 2. Skipulagsnefnd Eyjafjarðarsveitar - 358 - 2201002F 2.1 2110066 - Brúnir - kvörtun vegna legu reiðleiðar 2.2 2112004 - Brúarland - beiðni um breytta landnotkun 2021 2.3 2112005 - Samkomugerði 1 - Umsókn um leyfi fyrir gestahúsi 2.4 2112006 - Leifsstaðabrúnir 8-10 - Ósk um breytingu á deiliskipulagi 2.5 2112015 - Úrskurðarnefnd umhverfis- og auðlindamála - Tilkynning um kæru 182, 2021 2.6 1901023 - Ósk um leyfi fyrir vinnu við aðalskipulagsbreytingu og deiliskipulagi í landi Leifsstaða II 2.7 1910034 - Deiliskipulag Hrafnagilshverfis 2.8 2010016 - Theodór og Julia - Ósk um leyfi til að láta vinna deiliskipulag í landi Bjarkar 2.9 2111036 - Bakkatröð 48 - Parhús 2021 2.10 2104003 - Kroppur - Íbúðasvæði 2.11 2201006 - Höskuldsstaðir - stofnun lóðar v stækkunar Sökku Fundargerðir til kynningar 3. Samband íslenskra sveitarfélaga - fundargerð 903 - 2112002 4. Samband íslenskra sveitarfélaga - fundargerð 904 - 2112007 5. Norðurorka - Fundargerð 268. fundar - 2112008 6. Tónlistarskóli Eyjafjarðar - Fundargerð 138. fundar - 2112009 7. Héraðsskjalasafnið á Akureyri - Ársskýrsla 2020 - 2112017 8. Greið leið ehf. - Aukafundur hluthafa 29.12.2021 - 2201004 9. Óshólmanefnd - fundargerð 9.des. 2021 - 2112013 10. Svæðisskipulagsnefnd Eyjafjarðar - 8. fundur - 2201002 Almenn erindi 11. Krafa eigenda Þormóðsstaða vegna beitar í Sölvadal - 2112011 12. Samstarf 11 sveitarfélaga á Nl.eystra og N4 2022 - Ályktun N4 ehf. - 2112016 13. Jafnlaunakerfi Eyjafjarðarsveitar 2022 - 2112018 14. Svæðisskipulagsnefnd Eyjafjarðar - Framtíð og rekstur svæðis - 2201003 15. Gjaldskrá sorphirðu 2022, tillaga að breytingu - 2201007 Almenn erindi til kynningar 16. Samningur sveitarfélaga við SSNE vegna áfangastaðastofu - 2111026 11. janúar 2022 Stefán Árnason, skrifstofustjóri.  

Kæru íbúar, mikið er af smitum í sveitarfélaginu þessa dagana og hafa undanfarnar viku að jafnaði smitast 1-3 aðilar á hverjum degi í sveitarfélaginu. Eru nú 26 í einangrun og 22 í sóttkví. Mikilvægt er að sækja einkennasýnatöku ef grunur leikur á smiti eða viðkomandi hefur einkenni Covid.