Fréttayfirlit

Krummakot vill minna ykkur á að sækja þarf tímalega um pláss í skólann. Plássin eru þéttsetin og því gott að fá upplýsingar um börnin sem fyrst varðandi næsta skólaár. Umsókn um dvöl á leikskólanum Krummakoti; http://krummakot.leikskolinn.is/Upplysingar/Leikskolaumsokn Kveðja frá öllum á Krummakoti.

Um er að ræða 100% stöðu leikskólakennara/leiðbeinanda. Leikskólakennari, leikskólaliði eða starfsmaður með aðra menntun sem nýtist í starfi og/eða reynslu af vinnu með ungum börnum óskast til starfa í leikskólanum Krummakoti. Leikskólinn er í Hrafnagilshverfi, aðeins tíu kílómetra sunnan Akureyrar. Á Krummakoti eru 68 dásamleg börn sem eru á aldrinum 1 - 6 ára. Svæðið í kringum skólann er sannkölluð náttúruperla, útikennslusvæðið stórt og gönguleiðir víða. Við leggjum áherslu á jákvæðan aga, söguaðferð (story line) og útikennslu. Starfsmannahópurinn á Krummakoti er öflugur og stendur þétt saman. Við mat á umsóknum er horft til eftirfarandi: • Leyfisbréf sem leikskólakennari, uppeldismenntun eða önnur menntun sem nýtist í starfi. • Reynsla af uppeldis- og kennslustörfum með ungum börnum æskileg. • Framúrskarandi samskiptahæfileikar. • Metnaður og áhugi til að þróa gott skólastarf. • Góð íslenskukunnátta. Frekari upplýsingar veitir Erna Káradóttir leikskólastjóri í síma 464-8120, netfang erna@krummi.is. Umsóknarfrestur er til 1. júlí 2021. Umsóknum skal fylgja ferilskrá og upplýsingar um meðmælendur. Umsóknir skal senda til leikskólastjóra á netfangið erna@krummi.is.

Smámunasafnið er opið alla daga í sumar milli kl. 13:00 og 17:00. Í Smámunabúðinni er fallegt handverk eftir sveitunga, sem er tilvalið í tækifærisgjafir ásamt úrval af kortum. Alltaf er heitt á könnunni og ljúffengar sveitavöfflur á Kaffistofunni. Sámur mun líta dagsins ljós í nýju fötunum sínum um komandi helgi. Verið hjartanlega velkomin. Stúlkurnar á Smámunasafninu.

Sveitarstjórn Eyjafjarðarsveitar - 568 FUNDARBOÐ 568. fundur sveitarstjórnar Eyjafjarðarsveitar verður haldinn í fundarstofu 1, Skólatröð 9, 16. júní 2021 og hefst kl. 15:00. Dagskrá: Fundargerðir til staðfestingar 1. Menningarmálanefnd Eyjafjarðarsveitar - 185 - 2105009F 1.1 2105019 - Sumaropnun Bókasafns Eyjafjarðarsveitar 2021 1.2 2102015 - Verklagsregur fyrir úthlutun styrkja 1.3 2106003 - Menningarmálanefnd - Hælið setur um sögu berklanna 2. Skólanefnd Eyjafjarðarsveitar - 256 - 2106002F 2.1 2106005 - Leikskólinn Krummakot - Viðmiðun um inntöku yngstu leikskólabarnanna 2.2 2104016 - Hrafnagilsskóli - Mat á skólastarfi 2.3 2105032 - Mennta- og menningarmálaráðuneytið - Óskað upplýsinga um framkvæmd umbóta við Hrafnagilsskóla 2.4 1901017 - Húsnæðismál grunn- og leikskóla 3. Skipulagsnefnd Eyjafjarðarsveitar - 348 - 2106004F 3.1 2012011 - Öngulsstaðir 4 3.2 2106007 - G.V. Gröfur - Umsókn um framkvæmdaleyfi 3.3 2106009 - Borgarhóll 1 - Umsókn um leyfi fyrir viðbyggingu við sumarhús 3.4 1909004 - Aðalskipulag Eyjafjarðarsveitar breyting 2019 3.5 2105033 - Hranastaðir - umsókn um byggingarreit fyrir varphús 3.6 2105034 - Leifsstaðir land (Systralundur) - landskipti 3.7 2106015 - Klauf og Litli-Hamar 2 - breytt staðföng 3.8 2104003 - Kroppur - Íbúðasvæði 3.9 2010016 - Theodór og Julia - Ósk um leyfi til að láta vinna deiliskipulag í landi Bjarkar 4. Framkvæmdaráð - 109 - 2106003F 4.1 2104017 - UMF Samherjar - Styrkumsókn 4.2 1901017 - Húsnæðismál grunn- og leikskóla 4.3 2106008 - UMF Samherjar - Útikörfuboltavöllur 5. Framkvæmdaráð - 110 - 2106005F 5.1 1901017 - Húsnæðismál grunn- og leikskóla 6. Tónlistarskóli Eyjafjarðar - Fundargerðir 8. og 9. júní 2021 - 2106016 Fundargerðir til kynningar 7. Samband íslenskra sveitarfélaga - fundargerð 898 - 2106002 8. Minjasafnið á Akureyri - Ársreikningur 2020 - 2106012 9. Gásanefndin - Fundargerð lokaslitafundar Gásakaupstaðar - 2106013 Almenn erindi 10. SSNE - Tilnefning fulltrúa í samráðsvettvang Sóknaráætlunar Norðurlands eystra 2020-2024 - 2106004 11. Samband íslenskra sveitarfélaga - Aðgerðaráætlun um forvarnir meðal barna og ungmenna gegn kynferðislegu og kynbundnu ofbeldi og áreitni - 2106006 14.06.2021 Stefán Árnason, skrifstofustjóri.

Matarstígur Helga magra og Handverkshátíðin hafa tekið höndum saman fyrir sumarið 2021 og munu vera með reglulega bændamarkaði þar sem lögð verður áhersla á mat og handverk úr Eyjafjarðarsveit auk gesta aðila. Fyrsti bændamarkaður sumarsins verður laugardaginn 12. júní í Hrafnagilsskóla kl. 12-16.

Sveitarstjórn Eyjafjarðarsveitar samþykkti á fundi sínum 3. júní 2021 að auglýsa tillögu að deiliskipulagi fyrir athafnasvæði í landi Stokkahlaða skv. 41. gr. skipulagslaga nr. 123/2010. Deiliskipulagið tekur til tveggja atvinnuhúsa á svæði sem auðkennt er athafnasvæði AT4 í gildandi aðalskipulagi sveitarfélagsins.

Hjólreiðafélag Akureyrar ætlar að halda lítið innanfélagsmót í Götuhjólreiðum miðvikudaginn 9. júní næstkomandi þar sem keppendur hjóla Eyjarfjarðarhring réttsælis. Í boði er að hjóla bæði einn og tvo hringi. Ræst verður frá Leirunesti út á þjóðveg 1 og beygt þaðan til hægri inn Eyjafjarðarbraut eystri, hægri beygja tekin við Laugaland og svo aftur við Hrafnagil. Endamark á Eyjafjarðarbraut vestri á milli Skautahallar og Leirunestis. Þeir sem fara tvo hringi halda áfram í gegnum endamark og taka hægri beygju við gatnamót á Norðurlandsvegi. Til að tryggja öryggi keppenda munum við stýra umferð á Leiruvegi á meðan keppendur fara af stað og þegar fólk leggur af stað í seinni hring munum við tryggja þeim örugga för í gegnum gatnamót Drottningarbrautar, Eyjarfjarðarbrautar Vestri og Norðurlandsvegar. Endamark verður á milli skautahallar og Leirunestis, en ekki er gert ráð fyrir að það hafi truflandi áhrif á bílaumferð. Starfsmaður verður á gatnamótum við Miðhúsabraut til að tryggja að ekki sé hætta á að bílar sem koma þaðan keyri í veg fyrir hjólreiðafólk. Starfsfólk Hjólreiðafélagsins verður í gulum sýnileikavestum og sett verða upp skilti á nokkra vel valda staði sem kynna vegfarendum að Hjólamót sé í gangi. Reiknað er með að allir keppendur séu komnir í mark innan við tveimur tímum frá ræsingu.

Samkvæmt 7. gr. samþykktar um búfjárhald nr. 581/2013, hefst beitartímabil sauðfjár 10. júní ár hvert og lýkur um göngur á haustin. Beitartímabil vegna nautgripa hefst 20. júní ár hvert og lýkur 1. október sama ár. Beitartímabil hrossa hefst 20. júní ár hvert og lýkur 10. janúar á næsta ári. Ekki er tilefni til að víkja frá þessum ákvæðum.

Sveitarstjórn Eyjafjarðarsveitar samþykkti á fundi sínum þann 3. júní sl. að vísa skipulagstillögu fyrir íbúðarsvæði í landi Bjarkar í kynningarferli skv. 4. mgr. 40 gr. skipulagslaga nr. 123/2010. Deiliskipulagstillagan tekur til um 6,2 ha stórrar spildu úr landi Bjarkar sem í gildandi aðalskipulagi Eyjafjarðarsveitar er skilgreind sem íbúðarsvæði ÍB28. Innan skipulagssvæðisins er ráðgert að byggja tvö einbýlishús, bílgeymslu, gestahús og gróðurhús.

Sveitarstjórn Eyjafjarðarsveitar samþykkti á fundi sínum þann 3. júní sl. að vísa skipulagstillögu fyrir lóð Hrafnagilsskóla í kynningarferli skv. 4. mgr. 40 gr. skipulagslaga nr. 123/2010. Deiliskipulagstillagan skilgreinir byggingarreit og bílastæði fyrir nýjan leikskóla Hrafnagilshverfis sem ráðgert er að byggja við Hrafnagilsskóla. Deiliskipulagstillagan er hluti af vinnu sem nú stendur yfir við gerð heildstæðs deiliskipulags fyrir Hrafnagilshverfi.