Fréttayfirlit

Í dag var gengið til samninga við Verkís um verkfræðihönnun á nýjum leikskóla og viðbyggingum og breytingum á húsnæði Hrafnagilsskóla. Hönnun hefst strax og er áætlað að henni sé að fullu lokið í nóvember. Ráðgert er að hönnun sökkla og botnplötu leikskóla ljúki um miðjan ágúst.

Um er að ræða 60% stöðu í þrifum, öðrum tilfallandi verkefnum og afleysingu á deildum frá og með 10. ágúst. Leikskólinn er í Hrafnagilshverfi. Við mat á umsóknum er horft til eftirfarandi: • Lipurðar í samskiptum • Íslenskukunnáttu • Reynslu og/eða menntun sem nýtist í starfi Frekari upplýsingar veitir Erna Káradóttir leikskólastjóri í síma 464-8120, netfang erna@krummi.is. Umsóknarfrestur er til og með 15. júlí 2021. Umsóknum skal fylgja ferilskrá og upplýsingar um meðmælendur. Umsóknir skal senda til leikskólastjóra á netfangið erna@krummi.is.  

Kæru íbúar rétt í þessu fékk ég hringingu frá aðila með sumarhús við Hestvatn inn við Leyningshóla. Hafði þar verið brotist inn og töluverðum verðmætum stolið bæði stórum og smáum. Ljóst er að þjófagengi er hér á ferð og mikilvægt að allir fylgist vel með. Tilkynnið endilega beint til lögreglu ef þið sjáið grunsamlegar mannaferðir á svæðinu, hjálpumst að við að losa okkur við óæskilega heimsókn sem þessa.

Sveitarstjórn Eyjafjarðarsveitar samþykkti á fundi sínum 16. júní sl. að vísa skipulagslýsingu vegna breytingar á Aðalskipulagi Eyjafjarðarsveitar 2018-2030 og deiliskipulags fyrir fyrsta áfanga íbúðarhverfis í landi Kropps (Ölduhverfi) í kynningarferli skv. 1. mgr. 30. gr. og 1. mgr. 40. gr. skipulagslaga nr. 123/2010.

Sveitarstjórn Eyjafjarðarsveitar samþykkti á fundi sínum 3. júní 2021 að auglýsa tillögu að deiliskipulagi fyrir gistiþjónustu í landi Leifsstaða 2 skv. 41. gr. skipulagslaga nr. 123/2010.

Sveitarstjórn Eyjafjarðarsveitar samþykkti á fundi sínum 3. júní 2021 að auglýsa tillögu að deiliskipulagi fyrir íbúðarsvæði í landi Bjarkar skv. 41. gr. skipulagslaga nr. 123/2010.

Sveitarstjórn Eyjafjarðarsveitar samþykkti á fundi sínum 3. júní 2021 að auglýsa tillögu að deiliskipulagi fyrir nýjan leikskóla á lóð Hrafnagilsskóla skv. 41. gr. skipulagslaga nr. 123/2010.

Skrifstofa Eyjafjarðarsveitar verður lokuð frá 19. júlí til og með 30. júlí vegna sumarleyfa starfsfólks. Þeim sem þurfa nauðsynlega að ná sambandi við sveitarfélagið er bent á vaktsíma Eyjafjarðarsveitar 463-0615. Auglýsingablaðið. Síðasta blaði fyrir sumarlokun skrifstofu verður dreift fimmtudaginn 15. júlí. Næsta auglýsingablað eftir sumarlokun kemur út fimmtudaginn 5. ágúst. Skilafrestur auglýsinga er á þriðjudögum fyrir kl. 10:00.

Hjólreiðahátíð Greifans verður haldin 24. júlí til 1. ágúst 2021. 24. júlí -25. júlí: Enduro Akureyri. Tveggja daga viðburður í fyrsta sinn og undankeppni Enduro World Series. 27. júlí: Götuhjólreiðar - Criterium 28. júlí: Fjallahjólreiðar - Barna og unglingamót 28. júlí: Slopestyle 29. júlí: Götuhjólreiðar - RR 30. júlí: Fjallabrun/Downhill 31. júlí: Fjallahjólreiðar XCO 1. ágúst: Götuhjólreiðar - Tímataka (Miðbraut - Smámunsafn - Miðbraut), ræst kl. 10:00 - lokið ca. kl. 12:00 Helstu tengiliðir 1. ágúst: Framkvæmdastjóri Hjólreiðahátíðar, ábyrgðarmaður og öryggisfulltrúi: Árni F. Sigurðsson, 865-4195, formadur@hfa.is Mótsstjóri: Sunna Axelsdóttir, 649-5565, gjaldkeri@hfa.is Hjólreiðafélag Akureyrar; https://www.hfa.is/

Í dag var vígður nýr ærslabelgur í Hrafnagilshverfi þar sem börn og fullorðnir geta komið saman í leik. Er þetta liður í Heilsueflandi sveitarfélagi og styður jafnt við íbúa sem og ferðalanga enda staðsett skemmtilega í návígi skóla og tjaldsvæðis.