Fréttayfirlit

Opnunartími gámasvæðis

Vaktað gámasvæði er við Hrafnagilshverfi. Opnunartími þess er kl. 13:00-17:00 á þriðjudögum, fimmtudögum og laugardögum. Gámasvæðið er lokað utan opnunartíma. Sveitarstjóri.
09.12.2020
Fréttir

Bókasafn Eyjafjarðarsveitar

Bókasafnið verður því miður áfram lokað en fram til 18. desember er hægt að hafa samband við safnið ef fólk vantar eitthvað að lesa og við finnum eitthvað sem hentar. Bókunum verður síðan komið í póstkassa hjá viðkomandi. Hægt verður að skila með sama hætti, þ.e. bækur settar í póstkassann, bókasafnið látið vita og þær síðan sóttar í kassann. Athugið samt að skiladagar á efni sem er í láni verða framlengdir fram yfir jól.
09.12.2020
Fréttir

Sundlaugin opnar á morgun 10. desember

Sundlaugin opnar á morgun, fimmtudaginn 10. des. Opnunartíminn verður eftirfarandi: Mánudaga - fimmtudaga kl. 6:30-8:00 og 15:00-22:00 Föstudaga kl. 6:30-8:00 og 15:00-20:00 Laugardaga og sunnudaga kl. 10:00-20:00 Þegar skólinn fer í jólafrí verður opið allan daginn, en það verður auglýst síðar ásamt jólaopnun
09.12.2020
Fréttir

SSNE - Fréttabréf nóvembermánaðar er komið út

Tilgangur fréttabréfa SSNE er að miðla upplýsingum um þau helstu verkefni sem SSNE er að fást við og færa fréttir af starfsvæði okkar. Í þessu 9.tbl. er að finna upplýsingar um Uppbyggingarsjóð Norðurlands eystra og stefnumótandi byggðaáætlun stjórnvalda, yfirlit yfir staðsetningu ríkisstarfa auk umfjöllunar um Ratsjána sem er sértækt verkefni landshlutasamtakanna og Íslenska ferðaklasans fyrir aðila í ferðaþjónustu og tengdum greinum. FRÉTTABRÉF SSNE - 9.TBL NÓVEMBER 2020
04.12.2020
Fréttir

Auglýst eftir umsóknum um styrki til samstarfsverkefna Íslendinga og Pólverja á sviði menningar

Umsóknarfrestur er til 22. janúar 2021. Styrkirnir eru veittir með framlagi frá uppbyggingarsjóði EFTA. Pólsk stjórnvöld leggja til 5 milljónir evra til samstarfsverkefnanna. Sótt er um styrkina til Póllands og leiðir pólski samstarfsaðilinn umsóknarferlið. Verkefnin þurfa að standa yfir í 12-24 mánuði og eru styrkir til verkefna á bilinu 100.000 - 500.000 evra. Samstarfið getur verið á öllum sviðum menningar, t.d. tónlistar, leiklistar, myndlistar, kvikmyndahátíða, bókmennta, safna, listmenntunar og menningararfs.
04.12.2020
Fréttir

Almannavarnadeild ríkislögreglustjóra og sóttvarnalæknir hafa gefið út leiðbeiningar vegna aðventu, jóla og áramóta 2020

Aðvent­an er geng­in í garð og und­ir­bún­ing­ur hátíðanna nær fljót­lega há­marki. Rík hefð er fyr­ir því að fólk komi sam­an og njóti sam­ver­unn­ar og alls þess sem hátíðarn­ar hafa upp á að bjóða. Fyr­ir mörg okk­ar verður þessi tími frá­brugðinn því sem við erum vön líkt og með annað á þessu ári. Samt sem áður höf­um við ýmsa mögu­leika á því að gleðjast sam­an. Sum­ar at­hafn­ir fela í sér meiri áhættu en aðrar og þess­ar leiðbein­ing­ar inni­halda ráðlegg­ing­ar um það hvernig gott sé að haga mál­um yfir hátíðarn­ar.
01.12.2020
Fréttir

Fjárhagsáætlun Eyjafjarðarsveitar 2021 og 2022-2024 samþykkt í sveitarstjórn

Fjárhagsáætlun Eyjafjarðarsveitar fyrir árið 2021 og árin 2022 - 2024 var tekin til síðari umræðu og samþykkt samhljóða í sveitarstjórn 26. nóvember 2020.
27.11.2020
Fréttir

Lóðir fyrir einkaflugskýli á Melgerðismelum í Eyjafjarðarsveit - áhugakönnun

Í tilefni fyrirspurna um lóðir fyrir flugskýli á flugvallarsvæðinu á Melgerðismelum kannar sveitarfélagið Eyjafjarðarsveit nú grundvöll þess að deiliskipuleggja svæði fyrir uppbyggingu einkaflugskýla á svæðinu. Sveitarfélagið hefur yfir að ráða um 0,5 ha stóru svæði við norð-vestur enda flugbrautarinnar þar sem með góðu móti má koma fyrir u.þ.b. 8 lóðum fyrir flugskýli að stærð 200-300 fm. Ef fýsilegt reynist að ráðast í uppbyggingu af þessu tagi myndi sveitarfélagið annast deiliskipulag, gerð aðkomuleiðar auk öflunar neysluvatns og fráveitukerfis, en eftirláta húsbyggjendum annan frágang.
27.11.2020
Fréttir

Ytri-Varðgjá, Eyjafjarðarsveit – lýsing vegna deiliskipulags og breytingar á aðalskipulagi

Sveitarstjórn Eyjafjarðarsveitar samþykkti þann 26. nóvember 2020 að kynna skipulagslýsingu vegna deiliskipulags og breytingar á aðalskipulagi Eyjafjarðarsveitar 2018-2030 fyrir almenningi á grundvelli 1. mgr. 30. gr. og 40. gr. skipulagslaga nr. 123/2010. Skipulagsverkefnið tekur til áforma um uppbyggingu baðstaðar ásamt tilheyrandi þjónustu í landi Ytri-Varðgjár. Ráðgert er að aðkoma að staðnum verður frá þjóðvegi nr. 1 þar sem þegar er aðkomuvegur um 400 m austan gatnamóta við Eyjafjarðarbraut eystri. Gert er ráð fyrir að heitt vatn verði leitt að staðnum með lögn frá Vaðlaheiðargöngum, í samstarfi við Norðurorku.
27.11.2020
Deiliskipulagsauglýsingar

Þórustaðir II, Eyjafjarðarsveit – breyting á gildandi deiliskipulagi

Sveitarstjórn Eyjafjarðarsveitar samþykkti á fundi sínum þann 16. apríl 2020 að auglýsa tillögu að breytingu á deiliskipulagi fyrir íbúðarsvæði í landi Þórustaða II í Eyjafjarðarsveit skv. 1. mgr. 41. gr. skipulagslaga nr. 123/2010. Skipulagssvæðið er um 2,3 ha að flatarmáli og er í gildandi aðalskipulagi sveitarfélagsins skilgreint sem íbúðarsvæði ÍB20. Breytingin felst í að einni 2138 fm íbúðarlóð fyrir einbýlishús er bætt við deiliskipulag.
27.11.2020
Deiliskipulagsauglýsingar