Fréttayfirlit

Vegna tæknilegra mistaka birtist fundargerð 558. fundar sveitarstjórnar ekki rétt á heimasíðunni þar sem vantaði inn bókanir við einstaka liði fundargerðar skipulagsnefndar. Þetta hefur nú verið lagfært.

Frá og með 18. desember verður sundlaugin opin allan daginn, eins og venjulega. Jólaopnunin er eftirfarandi: 22.12. kl. 6:30-22:00 23.12. kl. 6:30-14:00 24.12. kl. 9:00-11:00 25.12. Lokað 26.12. Lokað 27.12. kl. 10:00-20:00 28.12. kl. 6:30-22:00 29.12. kl. 6:30-22:00 30.12. kl. 6:30-22:00 31.12. Lokað 1.1. Lokað 2.1. kl. 10:00-20:00 Starfsfólk Íþróttamiðstöðvarinnar óskar öllum gleðilegra jóla og vonandi sjáum við sem flesta í sundi það sem eftir lifir árs.

Íbúum um allt land býðst að njóta listagjafar helgina 19.-20. desember næstkomandi. Listafólk í fremstu röð mun þá sækja fólk heim og flytja stutta listgjörninga, tónlist, ljóðlist, sirkusatriði eða dans sem gefendur geta pantað fyrir ástvini í gegnum vefinn. Einnig verður boðið upp á rafrænar listagjafir til þeirra sem geta ekki tekið á móti gjöf í eigin persónu vegna sóttvarnatilmæla eða staðsetningar. Gjöfin er án endurgjalds en takmarkast við eina pöntun á mann.

Þann 17. desember næstkomandi bjóða KPMG og SSNE til gagnvirks fróðleiksfundar um COVID úrræði stjórnvalda. Á fundinum verður stutt framsaga um helstu úrræðin sem eru í boði auk þess sem þátttakendum gefst færi á að spyrja sérfræðinga KPMG út í einstök atriði. Hugmyndin er að takmarka fjölda þátttakenda við 30 manns í von um gagnvirkt samtal þátttakenda og sérfræðinga KPMG. Við munum senda skráðum þátttakendum hlekk á fundinn þegar nær dregur.

Eyjafjarðarsveit veitir foreldrum/forráðamönnum barna og ungmenna á aldrinum 6-17 ára styrki vegna íþrótta- og tómstundaiðkunar. Meginmarkmið íþrótta- og tómstundastyrkja er að stuðla að aukinni hreyfingu og félagsþátttöku barna í sveitarfélaginu. Styrkur er veittur vegna æfinga- og þátttökugjalda fyrir börn á aldrinum 6-17 ára með lögheimili í Eyjafjarðarsveit. Styrkhæft er hvers konar reglulegt íþrótta- og tómstundastarf.

Vaktað gámasvæði er við Hrafnagilshverfi. Opnunartími þess er kl. 13:00-17:00 á þriðjudögum, fimmtudögum og laugardögum. Gámasvæðið er lokað utan opnunartíma. Sveitarstjóri.

Bókasafnið verður því miður áfram lokað en fram til 18. desember er hægt að hafa samband við safnið ef fólk vantar eitthvað að lesa og við finnum eitthvað sem hentar. Bókunum verður síðan komið í póstkassa hjá viðkomandi. Hægt verður að skila með sama hætti, þ.e. bækur settar í póstkassann, bókasafnið látið vita og þær síðan sóttar í kassann. Athugið samt að skiladagar á efni sem er í láni verða framlengdir fram yfir jól.

Sundlaugin opnar á morgun, fimmtudaginn 10. des. Opnunartíminn verður eftirfarandi: Mánudaga - fimmtudaga kl. 6:30-8:00 og 15:00-22:00 Föstudaga kl. 6:30-8:00 og 15:00-20:00 Laugardaga og sunnudaga kl. 10:00-20:00 Þegar skólinn fer í jólafrí verður opið allan daginn, en það verður auglýst síðar ásamt jólaopnun

Tilgangur fréttabréfa SSNE er að miðla upplýsingum um þau helstu verkefni sem SSNE er að fást við og færa fréttir af starfsvæði okkar. Í þessu 9.tbl. er að finna upplýsingar um Uppbyggingarsjóð Norðurlands eystra og stefnumótandi byggðaáætlun stjórnvalda, yfirlit yfir staðsetningu ríkisstarfa auk umfjöllunar um Ratsjána sem er sértækt verkefni landshlutasamtakanna og Íslenska ferðaklasans fyrir aðila í ferðaþjónustu og tengdum greinum. FRÉTTABRÉF SSNE - 9.TBL NÓVEMBER 2020

Umsóknarfrestur er til 22. janúar 2021. Styrkirnir eru veittir með framlagi frá uppbyggingarsjóði EFTA. Pólsk stjórnvöld leggja til 5 milljónir evra til samstarfsverkefnanna. Sótt er um styrkina til Póllands og leiðir pólski samstarfsaðilinn umsóknarferlið. Verkefnin þurfa að standa yfir í 12-24 mánuði og eru styrkir til verkefna á bilinu 100.000 - 500.000 evra. Samstarfið getur verið á öllum sviðum menningar, t.d. tónlistar, leiklistar, myndlistar, kvikmyndahátíða, bókmennta, safna, listmenntunar og menningararfs.