Í Eyjafjarðarsveit eru starfræktir skólar frá leikskólastigi til loka grunnskólans.
Leikskólinn Krummakot starfar á Hrafnagilssvæðinu og eru þar rösklega 50 börn í vistun að jafnaði. Börnin eru á aldrinum eins til 5 ára.
Þegar leikskóladvölinni sleppir tekur Hrafnagilsskóli við en í skólanum eru 10 bekkjardeildir. Nemendur í
Hrafnagilsskóla eru um 160 talsins og er skólinn einn af fjölmennustu dreifbýlisgrunnskólum landsins. Íþróttahús og sundlaugaraðstaða eru sambyggð Hrafnagilsskóla og fer þar öll íþróttakennsla fram.
Frístund er starfrækt við skólann fyrir nemendur 1. - 4. bekkjar.
Tónlistarskóli Eyjafjarðar er með starfsemi sína í húsnæði því sem áður hýsti heimavist Hrafnagilsskóla og er það við hlið skólans. Nemendur Hrafnagilsskóla eru mjög virkir í tónlistarnámi og má segja að aðstæður séu hinar ákjósanlegustu þar sem nemendur skólans geta stundað tónlistarnámið jafnhliða bóklega náminu við skólann. Skólabókasafn Hrafnagilsskóla er samrekið með
Bókasafni Eyjafjarðarsveitar.
