Fréttayfirlit

Nú líður að síðustu fundum skipulagsnefndar og sveitarstjórnar fyrir jól en breyting er á fundardögum sem verða sem hér segir. Skipulagsnefnd fundar föstudaginn 29.nóvember (fundur sem fyrirhugaður var 2.nóvember). Sveitarstjórn fundar 2.desember og síðan afgreiðir hún fjárhagsáætlun á jólafundi sínum þann 6.desember.

Þau gleðitíðindi komu fram í erindi á auka aðalfundi Eyþings síðastliðinn laugardag að Eyjafjarðarsveit er fremst sveitarfélaga á svæðinu í endurvinnslu en yfir 60% af sorpi frá sveitarfélaginu fer í endurvinnslu.

Við í leikskólanum Krummakoti auglýsum eftir starfsmanni í 50% tímabundna afleysingu við ræstingar. Vinnutími er samkomulag.

FUNDARBOÐ 538. fundur sveitarstjórnar Eyjafjarðarsveitar verður haldinn í fundarstofu 1, Skólatröð 9, 11. nóvember 2019 og hefst kl. 15:00

Blásið var til skemmtilegrar veislu í Laugarborg síðastliðinn sunnudag þar sem eldri borgarar héldu uppá 30 ára afmæli Félags eldri borgara í Eyjafjarðarsveit.

Við fengum skemmtilega heimsókn frá Markaðsstofu Norðurlands í landbúnaðar- og atvinnumálanefnd í gær þar sem upplýsandi og skemmtileg umræða átti sér stað meðal annars um verkefni sem ber verkheitið Farmers route of North Iceland og uppbyggingu heilsársferðaþjónustu á norðurlandi.

Í dag skrifuðu sveitarstjóri, Finnur Yngvi Kristinsson, og Bergþór Erlingsson fyrir hönd SBA-Norðurleiðar hf. undir samning um skólaakstur fyrir Hrafnagilsskóla til næstu þriggja ára.

537. fundur sveitarstjórnar Eyjafjarðarsveitar verður haldinn í fundarstofu 1, Skólatröð 9, 24. október 2019 og hefst kl. 15:00.

Embætti skipulags- og byggingarfulltrúa Eyjafjarðar auglýsir eftir aðila í 50% stöðu hjá embættinu en um er að ræða nýja stöðu. Embættið annast skipulags- og byggingarmál í Grýtubakkahreppi, Svalbarðsstrandarhreppi, Eyjafjarðarsveit og Hörgársveit.

Guðmundur Ingi Guðbrandsson, umhverfis- og auðlindaráðherra, sótti Eyjafjarðarsveit í morgunsárið þar sem rætt var um hálendisþjóðgarð sem er í undirbúningi þessi misseri.