Fréttayfirlit

Enginn skóli verður frá 7:30-9:55 en skoðað verður með að opna kl: 10 fyrir þá nemendur sem að komast. Opnunin verður einnig skoðuð með tilliti til hvort starfsfólk komist til vinnu. Nánari upplýsingar klukkan 9:00 í fyrramálið.

Enginn skóli verður frá 8:15 - 9:55 en skoðað verður með að opna skólann kl. 10:00 fyrir þá nemendur sem komast. Ekki verður hægt að fylgja stundaskrá og opnunin verður einnig skoðuð með tilliti til hvort starfsfólk komist til vinnu. Við biðjum ykkur að fylgjast vel með tilkynningum í fyrramálið í gegnum upplýsingasíma skólans 8781603, á heimasíðu eða með netpósti en ekki er öruggt að svarað verði í skólasímann strax í fyrramálið. Upplýsingar um skólahald munu liggja fyrir ekki seinna en klukkan níu á morgun.

Að svo stöddu telur Vegagerðin ólíklegt að hægt verði að moka í sveitarfélaginu fyrr en á morgun og er því útlit fyrir að ófært verði í sveitarfélaginu hið minnsta fyrri hluta dags. Ljóst er að skólabílar munu ekki verða á ferð á fimmtudag og má reikna með að færðin hafi áhrif á skólastarf fimmtudags. Hvetjum við foreldra til að fylgjast vel með upplýsingum frá skólunum.

Sökum þess veðurofsa sem gengur nú yfir landið verða allar stofnanir sveitarfélagsins lokaðar á morgun, miðvikudag, þar með talið grunnskóli og leikskóli.

Veðurútlit er með þeim hætti að ólíklegt má telja að snjómokstur verði framan Miðbrautar eftir hádegi á þriðjudag og þar til veðri slotar á fimmtudagsmorgun. Tilkynnt verður á heimasíðunni þegar snjómostur hefst aftur.

Hrafnagilsskóli, leikskólinn Krummakot, íþróttamiðstöð, skrifstofur, bókasafn og gámasvæði sveitarfélagsins munu loka klukkan 12:00 í dag, þriðjudag, vegna óvenju illskuveðurs og útlits fyrir slæma færð á vegum.

Kæru sveitungar við hvetjum alla til að fylgjast vel með færð og veðurspá næstu daga. Foreldrar og forráðamenn barna í leik- og grunnskóla eru sérstaklega beðnir um að vera vakandi fyrir upplýsingum frá skólunum en líklegt má telja að rask verði á skólastarfi og akstri á næstu dögum.

Fjárhagsáætlun Eyjafjarðarsveitar fyrir árið 2020 og árin 2021 - 2023 var tekin til síðari umræðu og samþykkt samhljóða í sveitarstjórn 6. desember.

Sveitarstjórn Eyjafjarðarsveitar samþykkti þann 21. nóvember 2019 afgreiðslu skipulagsnefndar þann 14. mars 2019 á deiliskipulagi fyrir svínabú í landi Torfa skv. 3. mgr. 41. gr. skipulagslaga nr. 123/2010. Skipulagið tekur til uppbyggingar svínabús á landspildu sunnan Finnastaðaár og vestan Eyjafjarðarbrautar vestri.

Kallað er eftir ábendingum frá vegfarendum sveitarfélagsins um það sem betur má fara í umferðarmálum í sveitarfélaginu. Hafa má í huga atriði eins og ástand vega, snjómokstur, umferð gangandi vegfarenda, akandi og ríðandi. Þá er einnig vert að benda á gróður, heft útsýni, erfið gatnamót og heimreiðar svo fátt eitt sé nefnt. Mikilvægt er að staðsetningar séu skilmerkilega tilgreindar í ábendingum og gott er að hafa myndir með þar sem við á. Ábendingar sendist á esveit@esveit.is merkt sem erindi „Ábendingar fyrir umferðaröryggisáætlun“ fyrir 12. janúar 2020. Skipulagsnefnd