Fréttayfirlit

Nú þegar páskafrí skólanna ganga í garð er mikilvægt að hafa nokkur atriði í huga varðandi afþreyingu, samkomur og fjarlægðir.

Skilafrestur auglýsinga fyrir næsta auglýsingablað verður fyrir kl. 10:00 mánudaginn 6. apríl. Auglýsingar sendist á esveit@esveit.is eða í síma 463-0600. Blaðinu verður dreift um sveitina þriðjudaginn 7. apríl.

Óljóst er á þessari stundu hvort einhverjir hafi fallið fyrir fyrsta apríl gabbi sveitarfélagsins en við sendum þó kærar þakkir til þeirra fjölmörgu aðila sem eflaust tóku þátt í að draga úr hæð snjóskafla sinna.

Miðvikudaginn 1. apríl 2020 kl 13-16.30 verður blásið til vefráðstefnu um úrgangsmál í breiðum skilningi. Er ráðstefnan lokahnykkurinn á störfum starfshóps Samtaka sveitarfélaga á Norðurlandi vestra og Samtaka sveitarfélaga og atvinnuþróunar á Norðurlandi eystra sem hafði til skoðunar framtíðarskipan úrgangsmála á Norðurlandi.

Skipulags- og byggingarfulltrúi minnir á að sumardagurinn fyrsti sé fimmtudaginn 23. apríl og boðar að þeir bændur sem á landi sínu láti snjó standa í sköflum 1,0 m háum eða meira eftir þann tíma muni sæta sektum.

Ánægjulegt er að geta orðið að liði fyrir þá sem það þarfnast á þessum tímum og er ágætis eftirspurn eftir heimsendingarþjónustu sveitarfélagsins af matvörum. Í dag fór Elmar Sigurgeirsson, forstöðumaður eignasjóðs, og sótti tvær fullar innkaupakerrur í Nettó þar sem sex aðilar höfðu sóst eftir þjónustunni.

Sveitarstjórn Eyjafjarðarsveitar samþykkti á fundi sínum þann 26. mars 2020 að auglýsa tillögu að deiliskipulagi fyrir annan áfanga íbúðarsvæðis í landi Kotru í Eyjafjarðarsveit skv. 1. mgr. 41. gr. skipulagslaga nr. 123/2010. Skipulagssvæðið er rúmir 6 ha að flatarmáli og er í gildandi aðalskipulagi sveitarfélagsins skilgreint sem íbúðarsvæði ÍB13. Skipulagssvæðið afmarkast af lóð gistiheimilisins Hafdals hotel í vestri, landamerkjum Ytri-Varðgjár í norðri og skipulagsmörkum fyrri áfanga íbúðarsvæðis ÍB13 í suðri.

Eins og staðan er í dag er bókasafnið eingöngu opið á þriðju-, miðviku- og fimmtudögum frá kl. 16:00-19:00. Þetta getur þó breyst með mjög stuttum fyrirvara og verður þá auglýst á heimasíðu Eyjafjarðarsveitar: esveit.is.

Kæru sveitungar. Í dag klukkan 12:30 - 13:00 verð ég með opið fyrir óformlegt kaffispjall í fjarfundarbúnaði fyrir þá sem áhuga hafa á. Það er um að gera að skrá sig inn ef þið hafið spurningar á þessum sérkennilegu tímum. Sumu hef ég mögulega svar við og eflaust koma upp gagnlegar spurningar eða athugasemdir sem gott er að fá til að vinna úr.

Þau þekkjast vel, eru opin og skemmtileg krakkarnir í Eyjafjarðarsveit. Þau eru dugleg að eðlisfari og hugsa vel um náungann enda samfélagsandinn stór hluti af íbúum sveitarfélagsins.