Fréttayfirlit

Nú er til kynningar breyting á aðalskipulagi Eyjafjarðarsveitar 2005-2025 þar sem legu gönguleiðar GL-1 og reiðleiðar HL-1 (héraðsleið) sem liggja frá Akureyri að Hrafnagilshverfi er breytt á hluta leiðarinnar. Kynningin er í samræmi við 2. mgr. 30. gr. skipulagslaga nr. 123/2010.

Fjárhagsáætlun Eyjafjarðarsveitar fyrir árið 2016 og árin 2017 - 2019 var tekin til síðari umræðu 11. desember síðast liðinn. Áætlunin endurspeglar sterka stöðu Eyjafjarðarsveitar en samhliða henni var fjárfestingar- og viðhaldsáætlun samþykkt fyrir árið 2016 kr. 47,5 millj. og fyrir árin 2017 - 2019 kr. 168 millj.

Vegna færðar og veðurs hafa orðið tafir á sorphirðu, Gámaþjónustan stefnir að því að klára verkið eftir hádegið á morgun, miðvikudaginn 9.12.2015.

Fundur sveitarstjórnar verður haldinn föstudaginn 11. desember kl.16.00 í fundarstofu 2, Skólatröð 9.

Líkt og fram hefur komið hefur embætti Ríkislögreglustjóra lýst yfir óvissustigi á landinu vegna óveðurs, í samráði við alla lögreglustjóra landsins. Gert er ráð fyrir að veðrið byrji hér seinni partinn og standi fram á hádegi á morgun. Aðgerðarstjórnir hér í umdæminu hafa fundað í dag og tekið stöðuna og eru í viðbragðsstöðu.

Opnunartímar í Íþróttamiðstöð Eyjafjarðarsveitar yfir hátíðarnar verður sem hér segir: 23.-26. des. lokað 27. des. opið kl 10.00-17.00 28.-30. des. opið kl. 06.30-21.00 31. des lokað 1. jan. lokað 2. jan opið kl 10.00-17.00

UMSE mun standa fyrir fræðslufyrirlestrum á Hrafnagili þriðjudaginn 24. nóvember. Fræðslan fer fram í Hrafnagilsskóla og er ætluð íþróttafólki, 11 ára og eldri. Ekkert þátttökugjald er á fyrirlestrana og eru foreldrar sérstaklega boðnir velkomnir.

Laugardaginn 14. nóvember verða borðtennisæfingabúðir fyrir börn og unglinga í íþróttahúsinu á Hrafnagili. Búðirnar hefjast klukkan 10 að morgni og standa langt fram eftir degi. Umf. Samherjar standa fyrir búðunum en þær eru haldnar í tengslum við aldursflokkamót sem félagið heldur á sunnudag.

Straumlaust verður á morgun, fimmtudaginn 12. nóvember, milli kl. 13 og 16 í Fnjóskadal og efri hluta Svalbarðsstrandar/Vaðlaheiðar (sjá kort) vegna vinnu við háspennukerfið. Nánari upplýsingar veitir svæðisvakt RARIK Norðurlandi í s. 528-9690

UMSE auglýsir eftir umsóknum í Afreksmannasjóð UMSE. Tilgangur sjóðsins er að styrkja einstaklinga eða hópa, innan UMSE, sem náð hafa framúrskarandi árangri í íþrótt sinni. Umsóknarfrestur er til og með 1.desember næst komandi og verður úthlutað úr sjóðnum 15.desember.