Fréttayfirlit

Þorrablót Eyjafjarðarsveitar verður haldið í íþróttahúsi Hrafnagilsskóla laugardaginn 31. janúar næstkomandi. Húsið verður opnað kl. 19:45 og blótið sett kl. 20:30. Veislustjóri kvöldsins er kerling Gullna hliðsins, María Pálsdóttir frá Reykhúsum, og verður kvöldið hlaðið gríni og glensi. Hljómsveitin Einn og sjötíu leikur fyrir dansi og heldur uppi fjörinu langt fram á nótt. Aldurstakmark er 1998.

Skipulagsstofnun kynnir auglýsta tillögu að Landsskipulagsstefnu 2015-2026 á opnum fundi á Hótel Kea þann 21. janúar kl. 15-17. Á fundinum verður tillagan kynnt auk þess sem að fjallað verður sérstaklega um framfylgd landsskipulagsstefnu í skipulagsgerð sveitarfélaga svo sem við endurskoðun aðalskipulags. Jafnframt verður bein útsending frá kynningu í Reykjavík þann 29. janúar kl. 15-17 og má sjá hana á heimasíðu Skipulagsstofnunar.

Vakin er athygli á því að óheimilt er að hafa hross í afrétt eftir 10. janúar. Samkvæmt búfjársamþykkt Eyjafjarðarsveitar er vörsluskylda á öllu búfé neðan fjallsgirðingar allt árið. Allt búfé er á ábyrgð umráðamanns sem er skylt að sjá til þess að búfé sé haldið innan afmarkaðs svæðis og gangi ekki laust utan þess, sbr. reglugerð nr. 59/2000, um vörslu búfjár.

Áætlað var að tæma endurvinnslutunnur í Eyjafjarðarsveit þann 28. og 29. desember. Vegna veður og færðar hefur verið ákveðið að fresta tæmingu á þeim þar til veður og færð batnar.

Eyjafjarðarsveit óskar öllum gleðilegrar hátíðar og farsældar á nýju ári með þökk fyrir samskiptin á því sem nú er að renna sitt skeið.

Opnunartími skrifstofu Eyjafjarðarsveitar er alla virka frá kl. 10:00-14:00. Lokað verður á aðfangadag og gamlársdag en opið aðra virka daga.

Nú er hægt að lesa Eyvind á netinu. Blaðið er fjölbreytt og efnismikið að vanda.

Fjárhagsáætlun Eyjafjarðarsveitar fyrir árið 2015 svo og árin 2016 - 2018 var tekin til síðari umræðu 5. desember s.l. Áætlunin endurspeglar sterka stöðu Eyjafjarðarsveitar og var samhliða áætluninni samþykkt fjárfestingar- og viðhaldsáætlun fyrir árið 2014 kr. 40,4 millj. og fyrir árin 2016 - 2018 kr. 200 millj.

Hin árlega jólatrésskemmtun kvenfélagsins Hjálparinnar verður haldin í Funaborg sunnudaginn 28. desember kl. 13:30 – 16:00. Dansað verður í kringum jólatréð, góðir gestir koma í heimsókn og á eftir verður boðið upp á veitingar. Allir hjartanlega velkomnir. Kvenfélagið Hjálpin

Opnunartími í Íþróttamiðstöðvarinnar yfir hátíðarnar verður eftirfarandi