Fréttayfirlit

Leikskólinn Krummakot óskar eftir að ráða til sín starfsfólk í eftirfarandi stöður: • Stöður leikskólakennara, bæði fullt starf og hlutastarf. • Blönduð störf, 100% staða.

Veitingastaðurinn Silva að Syðra-Laugalandi efra. Opið alla daga frá kl. 12:00 – 20:00. Silva sérhæfir sig í grænmetis- og hráfæðisréttum, hristingum, söfum og hollum og gómsætum kökum. Við bjóðum upp á matarmiklu súpurnar, heitan rétt og hráfæðirétt dagsins. Kaffi, kökur, eftirréttir, hristingar, safar, skot, heimalagaður ís og konfekt svo eitthvað sé nefnt. Hægt að hringja eða koma við og fá mat til að taka með heim t.d. þegar veðrið er of gott til að eyða deginum við eldavélina eða eftir langan vinnudag.

Sveitarstjórn hefur áform um að koma á hópakstri fyrir framhaldsskólanema. Til að geta skipulagt slíkan hópakstur er mikilvægt að fá upplýsingar um þá aðila sem vilja nýta sér þessar ferðir. Erindi þetta er sent á öll heimili og er sérstaklega höfðað til einstaklinga sem eru á framhaldsskólaaldri þ.e. fæddir 1993-1999. Óskað er eftir að þeir einstaklingar sem hyggjast nýta sér þessar ferðir láti vita á skrifstofu sveitarfélagsins fyrir 7. júlí. Ef aðrir en framhaldsskólanemar hafa áhuga á að nýta sér þessar ferðir væri mjög gott að fá upplýsingar um það.

Eyjafjarðarsveit auglýsir eftir öflugum aðila í starf sveitarstjóra. Upplýsingar um starfssvið, menntunar- og hæfniskröfur má sjá hér fyrir neðan. Umsóknarfresturinn er til og með 7. júlí n.k. og eru umsækjendur beðnir að sækja um starfið á heimasíðu Capacent Ráðninga, www.capacent.is

Glæsileg dagskrá á Fíflahátíðin á Lamb inn Öngulstöðum næstu helgi. Þar má nefna "Haushlaup", söngkeppni barna, froðubolti, tískusýningu, uppskriftakeppni, skottsölu, vörukynningu, tónleika og veitingar. Sjá nánari dagskrá hér fyrir neðan.

Sveitarstjórn Eyjafjarðarsveitar hefur á fundi sínum 30. apríl 2014 samþykkt nýtt deiliskipulag fyrir Þverárnámu. Efnisnáman er á áreyrum Þverár ytri og hefur farið í umhverfismat. Deiliskipulagið hefur hlotið þá meðferð sem skipulags- og byggingarlög nr. 123/2010 mæla fyrir um. Deiliskipulagið öðlast þegar gildi

Sveitarstjórn Eyjafjarðarsveitar hefur á fundi sínum 11. september 2013 samþykkt breytingu á deiliskipulagi Hrafnagilshverfis VI. Breytingin felst í að breyta 5 einbýlishúsalóðum á syðsta hluta hverfisins í eina lóð með 5 íbúðum í raðhúsi og tvær lóðir með þrjár parhúsaíbúðir hvor lóð. Deiliskipulagið hefur hlotið þá meðferð sem skipulags- og byggingarlög nr. 123/2010 mæla fyrir um.

450. fundur sveitarstjórnar Eyjafjarðarsveitar verður haldinn í fundarstofu 1, Skólatröð 9, fimmtudaginn 19. júní 2014 og hefst kl. 16:00

Kvennahlaupið var haldið í blíðskaparveðri sl. laugardag. Um 40 hlauparar á öllum aldri tóku þátt sem er svipaður fjöldi og undanfarin ár. Eftir hlaupið var haldin létt og skemmtileg fjölskylduskemmtun sem Íþrótta- og tómstundanefnd stóð að með aðstoð hestamannafélasins Funa og björgunarsveitarinnar Dalbjargar. Við þökkum öllum sem lögðu hönd á plóg fyrir aðstoðina.

Land fyrir stafni! nefnist ný sýning á fágætum Íslandskortum. Sýningin samanstendur af einstökum landakortum frá 1547-1808 en kortin eru gjöf þýsku hjónanna dr. Karl-Werner Schulte og Giselu Schulte-Daxboek til íbúa Akureyrar. Með augum fortíðar. Hörður Geirsson myndað Akureyri með tækni 19. aldar. Á sýningunni gefur að líta myndir sem Hörður hefur tekið af stundarkornum viða um Akureyri og í sumar bætast við nýjar myndir frá nýjum sjónarhornum og gefst í leiðinni tækifæri að fylgjast með ljósmyndaranum að verki.