Fréttayfirlit

Unnið er að gerð deiliskipulags fyrir Syðra Laugaland efra, þar sem gert er ráð fyrir smáhýsum til gistingar fyrir ferðamenn. Skipulagslýsingin liggur frammi á skrifstofu Eyjafjarðarsveitar og er einnig aðgengileg hér fyrir neðan. Ábendingum er hægt að koma á framfæri skriflega til skrifstofu Eyjafjarðarsveitar að Skólatröð 9 eða á netfangið: esveit@esveit.is innan tveggja vikna frá auglýsingu þessari. 16. apríl 2015 Skipulagsfulltrúi Eyjafjarðarsveitar

Kirkjukór Laugalandsprestakalls heldur sumarmálatónleika sína í Laugarborg að kvöldi síðasta vetrardags, 22. apríl, kl. 20:30. Á tónleikunum flytur kórinn úrval erlendra og innlendra laga, m.a. eftir Händel, Carl Orff, Gunnar Þórðarson, Gylfa Ægisson, Jóhann Helgason og Trúbrot. Einsöngur: Birgir H. Arason Tvísöngur: María Gunnarsdóttir og Sigríður Hrefna Pálsdóttir Saxófónleikarar: Deborah Robinson og Sigríður Hrefna Pálsdóttir Stjórnandi og píanóleikari er Daníel Þorsteinsson. Miðaverð kr. 2000, frítt fyrir börn. (ath. ekki posi á staðnum) Kaffiveitingar í hléi. Stjórnin

Fyrri úthlutun ársins 2015 fer fram 1. júní n.k. Sjóðurinn hefur frá stofnun stutt vel við margvísleg verkefni. Tilgangur sjóðsins er að stuðla að því að öflugara starfi hjá UMSE og aðildarfélögum þess. Sjóðurinn styrkir ýmis verkefni í innra starfi UMSE svo sem: Fræðslustarf – m.a. námskeiðshald og fyrirlestra fyrir þjálfara, leiðbeinendur, starfsmenn og/eða dómara, félagsmenn og iðkendur innan UMSE. Útbreiðslu- og kynningarstarf í því skyni að gera UMSE sýnilegra og vekja athygli á fjölþættu starfi sambandsins. Önnur verkefni sem sjóðsstjórn metur að séu til þess fallin að efla innra starf UMSE.

462. fundur sveitarstjórnar Eyjafjarðarsveitar verður haldinn í fundarstofu 2, Skólatröð 9, miðvikudaginn 15. apríl 2015 og hefst kl. 15:00

Íþróttamiðstöð Eyjafjarðarsveitar auglýsir eftir baðverði í karlaklefa í 100% starfshlutfall. Um framtíðarstarf er að ræða. Unnið er á vöktum, starfsmaður sér um afgreiðslu, gæslu og þrif. Áhersla er lögð á sjálfstæð vinnubrögð, þjónustulund og jákvæðni. Viðkomandi verður m.a. að hafa hreint sakarvottorð og geta staðist hæfnispróf sundstaða. Umsókn sendist fyrir 20. apríl n.k. á netfangið sundlaug@esveit.is. Upplýsingar gefur Ingibjörg s. 464-8140.

Ferðaþjónusta í Eyjafjarðarsveit er metnaðarfull og aðilum innan hennar hefur fjölgað síðastliðin ár. Gistiheimilið Ytra-Laugaland, sem er í eigu Vilborgar Þórðardóttur, hefur hlotið verðskuldaða viðurkenningu innan greinarinnar. Þar má nefna viðurkenningu frá Ferðaþjónustu bænda þar sem Ytra-Laugaland var valinn einn af þremur framúrskarandi ferðaþjónustubæjum árið 2013. Einnig fékk gistiheimilið einkunnina 9,1 á vefsíðunni www.booking.com sem byggir á umsögnum gesta Vilborgar sem bókuðu í gegnum vefsíðuna. Ber sú einkunn vott um framúrskarandi þjónustu.

Íbúafundur um raforku- og hitaveitumál í Eyjafjarðarsveit verður haldinn fimmtudaginn 9. apríl í Funaborg á Melgerðismelum og hefst hann kl. 20.00. Framsögumenn verða Helgi Jóhannsson frá Norðurorku og Steingrímur Jónsson frá RARIK. Að loknum erindum verða umræður. Sveitarstjórn Eyjafjarðarsveitar

Fjöldi umsókna hefur borist og ánægjulegt að sjá hversu margir nýjir aðilar hafa sótt um. Við viljum minna á að umsóknarfresturinn rennur út þriðjudaginn 7. apríl. Rafrænt umsóknareyðublað er að finna undir "Umsókn" efst í valstikunni. Niðurstaða valnefndar liggur fyrir þann 6. maí 2015. Öllum umsóknum verður svarað.

Í Hrafnagilshverfi í Eyjafjarðarsveit eru til sölu lóðir við Bakkatröð. Í innan við 300m fjarlægð frá Bakkatröð eru grunnskóli, leikskóli, tónlistarskóli, íþróttahús og sundlaug. Eyjafjarðarsveit er blómlegt sveitarfélag þar sem búa rúmlega 1.000 manns bæði í dreifbýli og þéttbýli. Sveitarfélagið er öflugt og veitir íbúum góða þjónustu. Lóðinar sem um ræðir eru annarsvegar raðhúsalóðir og hinsvegar einbýlishúsalóðir. Tilboðið gildir til 30. júní 2015 og upplýsingar eru veittar í síma 463-0600.

461. fundur sveitarstjórnar Eyjafjarðarsveitar verður haldinn í fundarstofu 2, Skólatröð 9, miðvikudaginn 25. mars 2015 og hefst kl. 15:00