Fréttayfirlit

Eyjafjarðarsveit óskar eftir starfsfólki til að sinna heimaþjónustu tímabundið. Starfið felst í tiltekt og þrifum inni á heimilum, nokkrar klukkustundir á viku. Nánari upplýsingar á skrifstofu Eyjafjarðarsveitar í síma 463-0600 og/eða með tölvupósti. Skrifstofa Eyjafjarðarsveitar

Leikskólinn Krummakot í Eyjafjarðarsveit óskar eftir að ráða leikskólakennara í 100% stöðuhlutfall. Um er að ræða tímabundna stöðu til eins árs með ráðningu frá 1. janúar 2013. Krummakot er þriggja deilda leikskóli með fimmtíu nemendur og eru deildir aldursskiptar. Verið er að innleiða jákvæðan aga og markvisst unnið með málrækt, dygðir, umhverfisstarf, hreyfingu, myndlist og tónlist.

Síðasta opnun fyrir jól er föstudaginn 21. desember. Þá er opið eins og venjulega frá kl. 10:30 – 12:30. Á milli jóla og nýárs er opið fimmtudaginn 27. desember frá kl. 16:00-19:00. Safnið opnar eftir áramót fimmtudaginn 3. janúar og er þá opið eins og venjulega.

426. fundur sveitarstjórnar Eyjafjarðarsveitar verður haldinn í fundarstofu 1, Skólatröð 9, þriðjudaginn 11. desember 2012 og hefst kl. 12:00

Karlakór Eyjafjarðar, Kirkjukór Laugalandsprestakalls og Kvennakór Akureyrar halda sameiginlega tónleika í Laugarborg í Eyjafjarðarsveit fimmtudaginn 13. des. kl. 20:30. Kórarnir munu syngja nokkur lög hver og sameinast svo í einum stórum kór í lokin. Stjórnendur eru Daníel Þorsteinsson og Petra Björk Pálsdóttir. Húsið opnar kl. 19:30 og aðgangur er ókeypis.

Umsóknir um styrk úr sjóðnum skulu berast fyrir 1. desember og fer úthlutun fram 15. desember. Umsóknir í sjóðinn berist skirfstofu UMSE, Búgarði, Óseyri 2, 603 Akureyri eða í tölvupósti á umse@umse.is Sjá nánari útskýringar hér fyrir neðan.

Aðventudagur í Gamla bænum Laufási er orðinn fastur liður í jólaundirbúningi margra Eyfirðinga og gesta þeirra en hann verður haldinn sunnudaginn 2. desember kl 13:30-16:00. Þá gefst gestum tækifæri til að fylgjast með undirbúningi jólanna eins og hann var í gamla sveitasamfélaginu.

Út eru komin þrjú bindi af ritinu Eyðibýli á Íslandi. Útgáfan er afrakstur rannsókna síðustu tveggja ára. Markmið verkefnisins Eyðibýli á Íslandi er að rannsaka og skrá umfang og menningarlegt vægi eyðibýla og annarra yfirgefinna íbúðarhúsa í sveitum landsins. Fyrstu skref verkefnisins voru tekin sumarið 2011 þegar rannsókn fór fram á Suður- og Suðausturlandi. Sumarið 2012 náði rannsóknin til tveggja landsvæða; Norðurlands eystra og Vesturlands.

Áttu laust veggpláss? Viltu eignast fallega ljósmynd eða gefa öðruvísi gjöf? Ef svo er þá skaltu ekki láta ljósmyndasölu Minjasafnsins á Akureyri helgina 24. og 25. nóvember kl. 14-16 fram hjá þér fara! Í fyrsta skipti í 50 ára sögu Minjasafnsins er heil ljósmyndasýning til sölu. Hér er um að ræða ljósmyndasýninguna MANSTU – Akureyri í myndum sem sett var upp í tilefni af 150 ára afmæli Akureyrarbæjar. Sýninguna prýða ljósmyndir frá ýmsum tímum eftir ólíka ljósmyndara.

425. fundur sveitarstjórnar Eyjafjarðarsveitar verður haldinn í fundarstofu 1, Skólatröð 9, miðvikudaginn 21. nóvember 2012 og hefst kl. 12:00