Fréttayfirlit

Bókasafnið er lokað vegna vetrarleyfis: miðvikudaginn, fimmtudaginn og föstudaginn 5.-7. mars. Safnið opnar aftur þriðjudaginn 11. mars og þá er opið eins og venjulega: Þriðjudaga kl. 14.00-17.00 Miðvikudaga kl. 14.00-17.00 Fimmtudaga kl. 14.00-18.00 Föstudaga kl. 14.00-16.00

Tilboð óskast í hirðingu kirkjugarðanna sumarið 2025. Í því felst að slá eftir þörfum (allt að 6 sinnum á sumri) og fjarlægja gras úr kirkjugörðunum á Grund, í Saurbæ, í Hólum, á Möðruvöllum, á Munkaþverá og í Kaupangi. Auk þessa sláttur undan girðingu og í næsta umhverfi 1-2 sinnum á sumri. Tilboð skulu berast fyrir 1. mars n.k. á netfangið hjorthar@mi.is  Nánari upplýsingar veitir Hjörtur í síma 894-0283. Áskilinn er réttur til að taka hvaða tilboði sem er eða hafna öllum. Stjórn Kirkjugarða Laugalandsprestakalls.

Húsnæðis og Mannvirkjastofnun (HMS) vinnur að því að leggja fram hintsetta landeignaskrá með tilvísun í þinglýst eignarhald og raunverulega eigendur ef um lögaðila er að ræða. Verkefnið er nú komið vel á veg og hafa eignamörk um 1.720 jarða á Norðurlandi verið áætluð og bréf þess efnis sent á um 3.900 landeigendur. Þessir aðilar geta nú kynnt sér áætlunina í vefsjá landeignaskrár og hafa svo sex vikur til að bregðast við og senda HMS athugasemdir um áætlaða legu einstakra eignamarka.

FUNDARBOÐ Sveitarstjórn Eyjafjarðarsveitar - 647. fundur verður haldinn í fundarstofu 1, Skólatröð 9, fimmtudaginn 13. febrúar 2025 og hefst kl. 08:00. Dagskrá:

Í dag var skrifað undir samning við B. Hreiðarsson ehf. um áframhaldandi uppbyggingu viðbyggingar við Hrafnagilsskóla og Íþróttamiðstöðina í Eyjafjarðarsveit. Framkvæmdin styður við metnaðarfulla uppbyggingu innviða fyrir menntun, heilsu og samveru, þar sem markmiðið er að skapa örvandi og sveigjanlegt náms- og heilsuumhverfi sem nýtist öllum aldurshópum.

Frá og með áramótum breyttist gjaldskrá sorphirðugjalda og verður því með öðruvísi sniði heldur en hefur verið undanfarin ár. Gjaldtakan byggir á meginreglunni um „borgað þegar hent er“ (BÞHE), í samræmi við svæðisáætlun um meðhöndlun úrgangs á Norðurlandi (2023) og ákvæði laga nr. 55/2003 um meðhöndlun úrgangs en vegna þeirra þurfti að breyta samsetningu gjaldskrárinnar og hefja gjaldtöku á gámasvæði/söfnunarstöð sveitarfélagsins.

Við leitum að tveimur lífsglöðum tjaldvörðum til að gera sumarið enn betra á tjaldsvæðinu okkar!

Veðurspá gerir ráð fyrir því að veðrið verði að mestu gengið niður seinni partinn í dag og því opnar Íþróttamiðstöðin kl. 16 og verður opin til kl. 22.

Þar sem almannavarnir hafa gefið út rauða viðvörun fyrir svæðið milli klukkan 10 og 16 á morgun fimmtudag, hefur verið ákveðið að aflýsa öllu skólahaldi í Eyjafjarðarsveit á morgun. Skólarnir verða því lokaðir og ekkert starfsfólk í húsi. Þá verður bókasafnið einnig lokað. Íþróttamiðstöðin verður opin til klukkan 8:00 en ákvörðun um síðdegisopnun verður tekin í fyrramálið.

*Leikskólakennara eða starfsmann með aðra háskólamenntun sem nýtist í starfi. Um er að ræða 100% ótímabundna stöður á deild. *Starfsfólk í afleysingu inn á deild. Leikskólinn er í Hrafnagilshverfi, aðeins tíu kílómetra sunnan Akureyrar. Á Krummakoti eru 86 dásamleg börn sem eru á aldrinum 1 - 6 ára. Svæðið í kringum skólann er sannkölluð náttúruperla, útikennslusvæðið stórt og gönguleiðir víða. Við leggjum áherslu á jákvæðan aga, söguaðferð og útikennslu. Starfsmannahópurinn á Krummakoti er öflugur og stendur þétt saman. Laun eru greidd samkvæmt kjarasamningum sveitarfélaga við Kennarasamband Íslands eða Einingu Iðju.