Fréttayfirlit

Straumlaust verður í Eyjafirði innan við Háls og Gnúpufell að Tjörnum föstudaginn 30. október frá kl.10.00-14.00 vegna vinnu við háspennukerfið. Beðist er velvirðingar á óþægindum vegna þessa. Nánari upplýsingar veitir svæðisvakt RARIK Norðurlandi í s. 528-9690

Í Hrafnagilshverfi í Eyjafjarðarsveit eru til sölu lóðir við Bakkatröð. Í innan við 300 m fjarlægð eru grunnskóli, leikskóli, tónlistarskóli, íþróttahús og sundlaug. Eyjafjarðarsveit er blómlegt sveitarfélag þar sem búa rúmlega 1000 manns bæði í dreifbýli og þéttbýli. Sveitarfélagið stendur vel og veitir íbúum góða þjónustu.

Um er að ræða 100% starf frá 1. nóvember. Leitað er eftir starfsmanni sem hefur: • Mikinn áhuga á uppeldi og menntun barna • Ánægju af starfi með börnum • Góða samskipta- og samstarfshæfileika • Áhuga á faglegri uppbyggingu leikskólastarfs Krummakot er þriggja deilda leikskóli staðsettur í Hrafnagilshverfinu, 10 km sunnan Akureyrar. Fjöldi nemenda er rúmlega fimmtíu og deildir aldursskiptar. Verið er að innleiða Jákvæðan aga og markvisst unnið með læsi, dygðir, umhverfisstarf, hreyfingu og tónlist.

Fjölmargir hrífast af íslenska þjóðbúningnum. Handverkið að baki búningunum heillar marga og hópur þeirra sem velur að gera sinn eigin búning fer vaxandi. Áhugasamir um þjóðbúningasaum á Eyjafjarðarsvæðinu eiga þess kost að taka þátt í helgarnámskeiðum á Laugarlandi í vetur. Stefnt er að því að fjórar helgar á vetri verði kennsluhelgar. Námskeið í þjóðbúningasaumi frá grunni, þ.e. að sauma peysuföt eða upphlut, er fjórar helgar og því er kjörið að nota tækifærið og koma sér upp búningi með því að taka þátt.

470. fundur sveitarstjórnar Eyjafjarðarsveitar verður haldinn í fundarstofu 1, Skólatröð 9, miðvikudaginn 14. október 2015 og hefst kl. 15:00

Leikskólinn Krummakot í Eyjafjarðarsveit óskar eftir að ráða leikskólakennara eða starfsmann með aðra háskólamenntun sem nýtist í starfi með leikskólabörnum. Um er að ræða 100% starf frá 1. nóvember eða fyrr. Leitað er eftir starfsmanni sem hefur: • Mikinn áhuga á uppeldi og menntun barna • Ánægju af starfi með börnum • Góða samskipta- og samstarfshæfileika • Áhuga á faglegri uppbyggingu leikskólastarfs

Á fundi sveitarstjórnar Eyjafjarðarsveitar 30. september 2015 var á dagskrá samantekt Hólmgeirs Karlssonar, varaoddvita um stöðu landbúnaðar og matvælaframleiðslu við Eyjafjörð. Eftirfarandi bókun var samþykkt samhljóða: Sveitarstjórn Eyjafjarðarsveitar skorar á þingmenn að taka málið upp og að þessir samningar um tollaniðurfellingu verði ekki staðfestir af Alþingi nú, en þess í stað einbeiti menn sér að því strax á haustþingi að undirbúa nýja samninga um starfsskilyrði landbúnaðarins til lengri tíma, en núverandi samningar (búvörusamningur) renna út í lok næsta árs. Tollamál eru og hafa verið hluti af þeim samningum og því rökrétt að ákvarðanir um breytingar á þeim verði teknar samhliða gerð nýrra samninga við greinina til lengri tíma.

Fundur sveitarstjórnar verður haldinn miðvikudaginn 30. september kl. 15:00 í fundarstofu sveitarstjórnar, Skólatröð 9.

Hrossasmölun verður föstudaginn 2. október og hrossaréttir laugardaginn 3. október sem hér segir: Þverárrétt kl. 10:00 Melgerðismelarétt kl. 13:00 Gangnaseðlar verða sendir þeim sem lagt er á og einnig birtir á netinu. Fjallskilanefnd

Miðvikudaginn 23. september verður kynningarfundur kl.20.00 fyrir foreldra nemenda á unglingastigi og aðra áhugasama. Kennarar á unglingastigi munu kynna breyttar áherslur í íslenskukennslu á unglingastigi og vinnustundir sem er nýleg kennsluaðferð í Hrafnagilsskóla. Erindi frá kennurum standa yfir í 40-50 mínútur og gert er ráð fyrir umræðum og spurningum í lokin. Við hvetjum alla áhugasama til að koma og taka þátt í uppbyggilegu samræðum um nám og kennslu ungmenna. Hlökkum til að sjá sem flesta, Lilja, Páll, Ása og Hans