Eyjafjarðarsveit

Styrkjandi og liðkandi jóga (50 mín.), mantra (5-10 mín.) og gongheilun (20 mín) á þriðjudögum frá 6. janúar til 12.maí 2026, í yurtinu á Vökulandi Engin þekking eða kunnátta nauðsynleg. Skráning í tímann er nauðsynleg hjá: solveighar@gmail.com og í s. 663-0498 5 tíma kort á 12.000kr Stakur tími á 2500kr.

Næsta námskeið Litlu yogastofunnar í Hjartanu í Hrafnagilsskóla hefst fimmtudaginn 26. febrúar kl. 17:00-18:15.

Iðunnarkvöld 18. mars – Súrdeigsbakstur – Takið kvöldið frá 😊 Það verður kynnt hvernig á að baka einfalt hnoðlaust súrdeigsbrauð og svo smakkað á einu slíku. Staðsetning: kennslueldhús Hrafnagilsskóla Klukkan: 20:00 Hlökkum til að sjá sem flestar 😊 Nýjar konur velkomnar. Kvenfélagið Iðunn.

Hljómsveitin Stóriboli sem er með aðsetur í Eyjafjarðarsveitinni heldur tónleika á Leyni í Göngugötunni á Akureyri laugardagskvöldið 21/3 kl. 21:00. Hljómsveitina skipa þeir Helgi og Bergsveinn Þórssynir frá Kristnesi, Hafþór Önundarson frá Syðri-Tjörnum og Agnar Sigurðarson frá Svalbarðsströndinni. Þessir kumpánar kynntust fyrir nokkrum misserum hjá Freyvangsleikhúsinu og hafa æft saman um nokkra hríð og hafa barið saman fullt af rokki og róli. Hafþór mun einn og sér hita upp fyrir Stórabola, með frumsömdum kassagítar smellum. (Stóriboli var fyrst nefndur Kuldaboli en það er löngu úrelt). Allir velkomnir.