Eyjafjarðarsveit

Jólakötturinn er frumsamið hugljúft jólaævintýri eftir Jóhönnu S. Ingólfsdóttur. Höfundur byggir söguna á hinum alíslenska jólaketti eins og flestir þekkja hann, en blandar svo inní allskyns sögupersónum sem flestir kannast líka við. Þegar jólakötturinn fær nóg af því að allir í kringum hann eru alltaf góðir, glaðir og að öllum finnist jólin frábær, ákveður hann að fara að heiman þar sem það er enginn lengur eins og hann. Hann fer af stað fúll og önugur en á leið sinni upp á fjallið þá hittir hann ýmsar furðuverur sem eru fæstar eins og hann því eins og allir vita þá finnst flestum jólin frábær.

Við ætlum að opna upp á gátt og bjóða gestum og gangandi aðventustemningu í sveitinni. Upplagt að krækja sér í umhverfisvænar jólagjafir, eins og gjafabréf og upplifanir.

Kvenfélagið Iðunn verður með kökubasar og vöfflukaffi í Laugarborg laugardaginn 6. desember n.k. Hlökkum til að sjá ykkur.

Frítt á sýninguna, heitt súkkulaði og nýbakaðar kökur á kaffihúsinu. Upplagt að versla umhverfisvænar jólagjafir úr heimabyggð eins og gjafabréf á HÆLIÐ og/eða í Sánuvagn Mæju eða Reykhúsahunangið gómsæta! Einnig verður úrvals eldiviður úr Reykhúsaskógi til sölu og boðið upp á jólaföndur úr greinum - sjá mynd. Velkomin á HÆLIÐ að eiga notalega stund saman.