Í dag tók jarðgerðarstöð Moltu ehf á Þveráreyrum formlega til starfa. Eins og fram kemur í
fréttatilkynningu Moltu er stöðinni 
ætlað að taka á móti lífrænum úrgangi af Eyjafjarðarsvæðinu og
úr Þingeyjarsýslum.
Göngur í Eyjafjarðarsveit haustið 2009
1.göngur:
5.-6.sept.: Öll gangnasvæði nema norðan Bíldsár.
12.sept. : Norðan Bíldsár.
Breytingar frá þessu skulu gerðar í samráði við fjallskilastjóra.
2.göngur:
19.og 20.september.
Hrossasmölun:
2.-4.október.
Fjallskilastjóri, sími 845 0029
Hátíðin er opin í dag mánudag kl. 12-19.
Metaðsókn var á hátíðina um helgina því 15.000 manns hafa sótt hátíðina heim.
Bros á hverju andliti í 20 stiga hita og sól hefur skapað frábæra stemningu á hátíðarsvæðinu.
Hönnunarsamskeppni um nýsköpun í ullarvörum var í tengslum við sýninguna og þá þótti við hæfi að sýna
rúning á ullinni. Birgir Arason rúningsmaður sýnir daglega vélrúning og fékk um helgina til liðs við sig konur í sveitinni
með rokkinn og sátu þær við spuna.
Margt er um óvenjulegt hráefni á svæðinu sem hefur vakið eftirtekt. Tískusýningar, fyrirlestrar og námskeið krydda dagskrána
í hvívetna.
Að þessu sinni er staðið að hátíðinni á annan máta en verið hefur því félögin í sveitinni hafa lagt
hönd á bagga. Lionsklúbburinn Vitaðsgjafi, þrjú kvenfélög Aldan/Voröld, Hjálpin og Iðunn, Ungmennafélagið Samherjar og
Hjálparsveitin Dalbjörg ásamt gríðarlegum fjölda tónlistarfólks og skemmtikrafta, allt fólk sem tengist Eyjafjarðarsveit á einn
eða annan hátt.
Handverkskona ársins 2009 var verðlaunuð á kvöldvöku á laugardagskvöldinu og þann titil hlaut Guðrún Ásgerður
Steingrímsdóttir handverkskona með meiru.
Síðasti opnunardagur vel heppnaðrar sýningar er í dag, mánudag milli 12-19.
Á fjórða hundrað innsend verk í hönnunarsamkeppnina Þráður fortíðar til framtíðar, bera vitni um feikilegan
sköpunarkraft og hugvit. Dómnefnd hefur tilnefnt 10 verk til úrslita. Vinningshafar verða tilkynntir á Handverkshátíðinni að Hrafnagili
laugardaginn 8. ágúst.
Meðfylgjandi er mynd af vesti og húfu eftir Vilborgu Ástráðsdóttur sem er verk tilnefnt til verðlauna.
