Fréttayfirlit

Handverkshátíð 2009 verður haldin dagana 7.-10. ágúst

Setning hátíðarinnar verður föstudaginn 7. ágúst klukkan 11:30 að morgni við Hrafnagilsskóla. Athugið breyttan opnunartíma en hátíðin er opin föstudag til mánudags að þessu sinni frá klukkan 12:00-19:00 alla dagana.

Félag aldraðra í Eyjafirði tók þann 11. júní s. l. formlega við lyklavöldum í glæsilegri félagsaðstöðu sem innréttuð hefur verið í húsnæði sem áður hýsti heimavist Hrafnagilsskóla.

Sveitarstjórn Eyjafjarðarsveitar auglýsir hér með eftirfarandi tillögu að deiliskipulagi samkvæmt 1. mgr. 25. gr. skipulags- og byggingarlaga nr.73/1997  með síðari breytingum.


Deiliskipulag hálendismiðstöðvar í Laugafelli.
Staðurinn er á bakka Laugakvíslar norðan Laugafells norðaustan Hofsjökuls í um 735 m hæð yfir sjávarmáli. Á svæðinu eru nú fimm mannvirki, gistiskálar, þjónustuhús og geymsla svo og tjaldsvæði. Svæðið er um 20 km suður af botni Eyjafjarðardals og um 15 km norðaustan Hofsjökuls.
Skipulagssvæðið er um 8,9 ha að flatarmáli og er afmörkun þess sýnd á skipulagsuppdrætti. Það svæði, sem sem nýtt er undir mannvirki, t.d. skála, bílastæði og tjaldsvæði (mannvirkjasvæði), er um 2,9 ha.

Deiliskipulagstillaga

Greinargerð með deiliskipulagstillögu

Tillagan ásamt greinargerð verða til sýnis á skrifstofu Eyjafjarðarsveitar frá og með 26.  júní 2009.
Hverjum þeim aðila sem sem telur sig eiga hagsmuna að gæta er gefinn kostur á að gera athugasemdir við tillögurnar.

Frestur til að gera athugasemdir við tillögurnar er til og með 7. ágúst 2009. Athugasemdir skulu vera skriflegar og berast skrifstofu Eyjafjarðarsveitar. Hver sá sem ekki gerir athugasemd við tillögunar fyrir auglýstan frest telst samþykkur þeim.

Sveitarstjóri Eyjafjarðarsveitar

Sveitarstjórn Eyjafjarðarsveitar auglýsir hér með eftirfarandi tillögu að deiliskipulagi samkvæmt 1. mgr. 25. gr. skipulags- og byggingarlaga nr.73/1997  með síðari breytingum.

Deiliskipulagsbreyting frístundasvæðis í landi Leifsstaða
Með breytingunni er gert ráð fyrir nýrri vegtengingu safnvegar frá Leifsstaðavegi til vesturs að lóðum nr. 8 og  9 í Leifsstaðabrúnum.

Deiliskipulagstillaga

Tillagan ásamt greinargerð verður til sýnis á skrifstofu Eyjafjarðarsveitar frá og með 26.  júní 2009. Hverjum þeim aðila sem sem telur sig eiga hagsmuna að gæta er gefinn kostur á að gera athugasemdir við tillögurnar.

Frestur til að gera athugasemdir við tillögurnar er til og með 7. ágúst 2009. Athugasemdir skulu vera skriflegar og berast skrifstofu Eyjafjarðarsveitar. Hver sá sem ekki gerir athugasemd við tillögunar fyrir auglýstan frest telst samþykkur þeim.

Sveitarstjóri Eyjafjarðarsveitar

Kvennahlaup ÍSÍ verður hlaupið í Eyjafjarðarsveit þann 20. júní 2009 kl. 11:00. Hlaupið verður frá bílastæði Hrafnagilsskóla. Skráning hefst, í anddyri sundlaugarinnar, kl. 10:30 og upphitun kl. 11:00. Henni stjórnar Helga Sigfúsdóttir, sjúkraþjálfari og sér hún einnig um teygjur í lokin. Þátttökugjald er 1.000 krónur.

Deiliskipulag Teigur.

Deiliskipulagstillaga

Jónas Vigfússon hefur verið ráðinn sveitarstjóri Eyjafjarðarsveitar. Jónas er byggingarverkfræðingur og MBA viðskiptafræðingur að mennt. Hann hefur reynslu af sveitarstjórnarstörfum, því hann var sveitarstjóri Hríseyjarhrepps frá 1991-1996 og Kjalarneshrepps 1996 -1998.

Heimilt er að sleppa sauðfé á afrétt frá og með 13. júní og hrossum frá og með 20. júní n. k. Landeigendur eru minntir á að gera við fjallsgirðingar fyrir sleppingardag. Þá er bent á að í gildi er bann við lausagöngu búfjár á vegsvæðum.

Atvinnumálanefnd Eyjafjarðarsveitar.

Ágætu sveitungar.

Sýning Freyvangsleikhússins rokksöngleikurinn Vínland var valin athyglisverðasta áhugaleiksýning 2009 af dómnefnd Þjóðleikhússins. Af því tilefni verða 2 aukasýningar í Freyvangi 4. og 5. júní n. k. kl. 20:00 báða dagana.
Nemendum 7. til 10. bekkjar Hrafnagilskóla er boðið að koma og sjá sýninguna fimmtudaginn 4. júní. ATH. allra síðustu sýningar "hérlendis".