Fréttayfirlit

Tvær hátíðarmessur fara fram í sveitinni á páskadag. Hátíðarmessa í Grundarkirkju kl. 11 Kirkjukór Grundarsóknar syngur undir stjórn Þorvaldar Arnar Davíðssonar organista. Meðhjálpari Hjörtur Haraldsson og prestur Jóhanna Gísladóttir. Hátíðarmessa í Kaupangskirkju kl. 13.30 Söngfélagar við Kaupangskirkju syngja undir stjórn Petru Bjarkar Pálsdóttur organista. Meðhjálpari er Hansína María Haraldsdóttir og prestur Jóhanna Gísladóttir. Verið öll hjartanlega velkomin!

Síðasti opnunardagur safnsins fyrir páska er föstudagurinn 11. apríl. Þá er opið frá kl. 14.00-16.00. Opnum aftur eftir páska þriðjudaginn 22. apríl. Minnum annars á opnunartíma safnsins: Þriðjudagar frá 14.00-17.00. Miðvikudagar frá 14.00-17.00. Fimmtudagar frá 14.00-18.00. Föstudagar frá 14.00-16.00 Best er að ganga um dyr að austan (kjallari íþróttahúss) eða um sundlaugarinngang.

FUNDARBOÐ 653. fundur sveitarstjórnar Eyjafjarðarsveitar verður haldinn í fundarstofu 2, Skólatröð 9, fimmtudaginn 10. apríl 2025 og hefst kl. 08:00.

Hrafnagilsskóli er grunnskóli í dreifbýli um 12 km fyrir innan Akureyri og eru um 180 nemendur í skólanum. Hrafnagilsskóli hefur sýn sem byggir á skilningi, fagmennsku og dyggðum. Agastefna skólans er Jákvæður agi og meðal einkenna skólans er umhverfismennt, öflug list- og verkgreinakennsla ásamt nýtingu tækni til náms. Heimasíða Hrafnagilsskóla er www.krummi.is. Óskað er í eftirfarandi stöður frá og með 1. ágúst 2025: Kennari í heimilisfræði 80% starf. Afleisingastaða - íþróttakennari í hlutastarf 60% starf. Starfsfólk í fístund - vinnutími milli kl. 14-16 a.v.d. og einhverja daga frá kl. 12. Skólaliði í 75% starf.

Eyjafjarðarsveit efnir til rafræns kynningarfundar fimmtudagskvöldið 3. apríl kl. 20:00 um innleiðingu svokallaðrar veskislausnar fyrir kaup og umsýslu korta í sund og líkamsrækt íþróttamiðstöðvarinnar og svo fyrir klippikort gámasvæðis. Á fundinum mun Karl Jónsson forstöðumaður fara yfir þessar breytingar og sýna þátttakendum hvernig þetta nýja fyrirkomulag gengur fyrir sig. Fundurinn fer fram á Teams og er hlekkur á hann hér neðar í textanum.

Uppfært 2. apríl: Aprílgabb! Til að bæta nýtingu í landbúnaði og minnka kolefnisspor verður floti af rafknúnum, sjálfkeyrandi heyvögnum tekinn í notkun í Eyjafjarðarsveit og þeir fyrstu verða teknir í notkun í Klauf sumarið 2025. Vagnarnir munu skynja beitarsvæði, forðast kýr og önnur dýr og sækja rúllur sjálfkrafa og fara með í stæður, í hlöðu eða á önnur beitarsvæði. Öllu er stýrt í appi og bændur geta bæði stillt ferðahraða og slóða. Til að byrja með verður fjárfest í þremur vögnum en með tíð og tíma verður þeim fjölgað. Fyrsti vagninn er þegar kominn á svæðið og verður hægt að skoða hann á milli kl. 15:00 og 17:00 í Klauf í dag.

Íþróttamiðstöðin í Eyjafjarðarsveit leitar að samviskusömum og þjónustulunduðum karlkyns einstaklingi í sumarafleysingarstarf sundlaugarvarðar. Starfið er unnið á vöktum og er ráðningartími frá lokum maí og fram í ágúst. Það snýst um öryggisgæslu í sundlaug, þjónustu við gesti, afgreiðslu og þrif. Í boði er líflegt og skemmtilegt starf, í mjög jákvæðum og skemmtilegum starfsmannahópi.

FUNDARBOÐ 652. fundur sveitarstjórnar Eyjafjarðarsveitar verður haldinn í fundarstofu 2, Skólatröð 9, fimmtudaginn 27. mars  og hefst kl. 8:00.

Velferðar-& menningarnefnd vekur athygli á því að hægt er að sækja um styrk til menningarmála hér á heimasíðu sveitarfélagsins. Rafrænt eyðublað má finna á hlekknum hér í fréttinni og undir dálknum stjórnsýsla – skjöl og útgefið efni – umsóknir. Rafrænt eyðublað: https://www.esveit.is/is/stjornsysla/skjol-og-utgefid-efni/eydublod/umsokn-um-styrk-til-menningarmala Úthlutunarreglur menningarsjóðsins: https://www.esveit.is/static/files/ErindisbrefNefnda/Menningarsjodur.pdf Opið verður fyrir umsóknir til klukkan 12:00 mánudaginn 7. apríl.

Sveitarstjórn Eyjafjarðarsveitar samþykkti á fundi sínum þann 26. febrúar sl. að vísa skipulagslýsingu vegna breytingar á Aðalskipulagi Eyjafjarðarsveitar 2018-2030 fyrir íbúðarsvæði ÍB15 í landi Brúarlands í Eyjafjarðarsveit í kynningu skv. 1. mgr. 30 gr. skipulagslaga nr. 123/2010. Breytingin felst í því að tvö af þremur íbúðarsvæðum ÍB15 verða skilgreind sem verslunar- og þjónustusvæði, en þó standa eftir tvær lóðir sem verða áfram skilgreindar sem íbúðarbyggð en það eru lóðirnar Brúnagerði 1 og 15. Breytingin er til komin vegna áforma landeiganda að hafa gistiþjónustu á svæðinu.