Fréttayfirlit

Sveitarstjórn Eyjafjarðarsveitar samþykkti á fundi sínum þann 23.10.25 að auglýsa breytingu á Aðalskipulagi Eyjafjarðarsveitar...

Eyjafjarðarsveit óskar eftir tilboðum í matseld fyrir mötuneyti Eyjafjarðarsveitar 2026-2029. Matseld skal fara fram í mötuneyti Hrafnagilsskóla og útvegar verkkaupi öll áhöld og tæki til verksins og skal bjóðandi kynna sér aðstæður.

Sveitarstjórn Eyjafjarðarsveitar samþykkti á fundi sínum þann 17. Febrúar 2026 að vísa skipulagslýsingu, vegna nýs deiliskipulags fyrir íbúðarsvæði í landi Syðri-Varðgjár (L152799) í Eyjafjarðarsveit, í kynningarferli skv. 40 gr. skipulagslaga nr. 123/2010. Skipulagssvæðið nær yfir um 9 ha svæði í landi Syðri-Varðgjár ofan Veigastaðavegar og er á íbúðarsvæði ÍB35 í aðalskipulagi. Skipulagssvæðið afmarkast af Veigastaðavegi í vestri og nær þaðan til austurs upp í Vaðlaheiði. Mörkin í norðri eru við landamörk Ytri-Varðgjár og í suðri liggja mörkin við landamerki Kotru og Smáralæks. Á svæðinu eru uppi áform um að byggja 15-17 íbúðarhús með aðkomuvegi frá Veigastaðavegi

Stjórnvöld óska eftir tillögum um hvernig megi einfalda regluverk um verkefni sveitarfélaga. Öll ráðuneyti í Stjórnarráðinu koma að verkefninu með tengingu við málaflokka sína en innviðaráðuneytið heldur utan um verkefnið. Allir eiga kost á því að senda inn tillögur og ábendingar í vefkönnun sem kynnt er í samráðsgátt stjórnvalda en frestur er framlengdur til og með 27. mars nk.

Hrafnagilsskóli er grunnskóli í Hrafnagilshverfi og eru um 190 nemendur í skólanum. Skólasýn Hrafnagilsskóla byggir á skilningi, fagmennsku og dyggðum. Agastefna skólans er Jákvæður agi og sérstaða hans er m.a. umhverfismennt, öflug list- og verkgreinakennsla ásamt nýtingu tækni til náms. Heimasíða Hrafnagilsskóla er www.krummi.is.

Leikskólinn er í Hrafnagilshverfi 10 km sunnan Akureyrar. Í skólanum eru nú 77 börn. Einkunnarorð skólans eru „Leikur er okkar nám“ Skólasýn er: Virðing, góðvild og festa þar sem gleði og fagmennska ríkir. Svæðið í kringum skólann er sannkölluð náttúruperla, útikennslusvæðið stórt og gönguleiðir víða. Við leggjum áherslu á jákvæðan aga, söguaðferð og útikennslu. Allir nemendur hafa aðgang að góðri aðstöðu til hreyfingar í íþróttahúsi og fá einnig tónlistarstund með tónlistarkennara einu sinni í viku. Nánari upplýsingar á starfsemi leikskólans má finna á heimasíðu: https://krummakot.leikskolinn.is 

Á dögunum afhenti Atvinnu- og umhverfisnefnd Umhverfisverðlaun fyrir árið 2025 þar sem þau Stefán Árnason, Vaka Jónsdóttir og Aðalsteinn Stefnisson hlutu verðlaunin. 

Sveitarstjórn Eyjafjarðarsveitar samþykkti á 671. fundi sínum 17.02.2026 að kynna vinnslutillögu að Aðalskipulagi Eyjafjarðarsveitar 2025–2037

Það er alltaf líf og fjör á Öskudaginn í Eyjafjarðarsveit.

Landsmót UMFÍ 50+ er blanda af íþróttakeppni og annarri keppni, hreyfingu og því að fá fólk á besta aldri til að hafa gaman saman. Mótið er öllum opið sem verða 50 ára á árinu og eldri. Þátttakendur þurfa ekki að vera skráðir í íþróttafélag, allir geta tekið þátt og á sínum forsendum. Mótið fer fram 26. - 28. júní 2026 í Eyjafjarðarsveit. Komdu og vertu með!