Fréttayfirlit

Við óskum eftir að ráða heimilisfræðikennara í 80-100% starf frá og með 1. ágúst 2026. Um er að ræða ótímabundið starf. Hrafnagilsskóli er grunnskóli í dreifbýli um 12 km. fyrir innan Akureyri og eru um 180 nemendur í skólanum. Hrafnagilsskóli hefur hefur sýn sem byggir á skilningi, fagmennsku og dyggðum. Agastefna skólans er Jákvæður agi og meðal einkenna skólans er umhverfismennt, öflug list- og verkgreinakennsla ásamt nýtingu tækni til náms. Heimasíða Hrafnagilsskóla er www.krummi.is.

Ungmennaþing SSNE 2026 skorar á sveitarstjórnir og framboð til sveitarstjórna á Norðurlandi eystra að tryggja að ungmennaráð verði virkur og eðlilegur hluti af ákvarðanatöku sveitarfélaga. Ungt fólk vill taka þátt, láta í sér heyra og hafa áhrif — sérstaklega í málefnum sem snerta líf þeirra, aðstæður og framtíð. Ungmennaráð eru mikilvægur vettvangur fyrir slíka þátttöku og eiga ekki að vera til málamynda heldur raunveruleg rödd í stjórnsýslu sveitarfélaga. Ungmennaþingið leggur áherslu á að: Ungmennaráð fái skýrt hlutverk og raunverulegt umboð, ungmennaráð séu höfð með í ráðum þegar fjallað er um málefni sem varða börn og ungmenni, skýrar boðleiðir séu milli ungmennaráða, nefnda og sveitarstjórna og að tekið sé mark á tillögum og sjónarmiðum ungmennaráða, með skýrum svörum og eftirfylgni. Ungmennaþing SSNE hvetur framboð til sveitarstjórna til að gera þátttöku ungmennaráða að skýrum hluta af stefnu sinni og sýna í verki að rödd ungmenna skiptir máli. Virkt lýðræði byggir á því að ungt fólk hafi tækifæri til að hafa áhrif – ekki aðeins í framtíðinni, heldur hér og nú.

Við óskum eftir að ráða íþróttakennara í 80-100% starf frá og með 1. ágúst 2026. Um er að ræða tímabundið starf í eitt ár og er íþróttakennsla u.þ.b. 60% af starfinu. Önnur kennsla getur verið eftir áhugasviði og sérmenntun viðkomandi. Hrafnagilsskóli er grunnskóli í dreifbýli um 12 km. fyrir innan Akureyri og eru um 180 nemendur í skólanum. Hrafnagilsskóli hefur hefur sýn sem byggir á skilningi, fagmennsku og dyggðum. Agastefna skólans er Jákvæður agi og meðal einkenna skólans er umhverfismennt, öflug list- og verkgreinakennsla ásamt nýtingu tækni til náms. Heimasíða Hrafnagilsskóla er www.krummi.is.

Sveitarstjórn Eyjafjarðarsveitar samþykkti á dögunum að endurnýja samning við Skógræktarfélag Eyfirðinga til næstu tveggja ára og gildir hann út árið 2027.

Ungmennaþing SSNE var haldið á Húsavík 14. og 15. apríl sl. Ungmennaráð 10 sveitarfélaga á svæðinu tóku þátt í því ásamt starfsmönnum sínum. Tilgangur ungmennaþinganna er að tengja ungmenni sveitarfélaganna saman, skapa tengsl á milli starfsmanna og hjálpa ráðunum að koma á framfæri sínum helstu óskum bæði sem heild og hvert í sínu lagi.

FUNDARBOÐ 675. fundur sveitarstjórnar Eyjafjarðarsveitar verður haldinn í fundarstofu 2, Skólatröð 9, fimmtudaginn 16. apríl 2026 og hefst kl. 08:00.

Skráning er hafin í Vinnuskóla Eyjafjarðarsveitar fyrir sumarið 2026

Framboðsfrestur vegna sveitarstjórnarkosninganna rann út föstudaginn 10. apríl kl. 12:00 á hádegi. Tveir framboðslistar skiluðu gögnum og voru báðir listar samþykktir af kjörstjórn Eyjafjarðarsveitar. Listarnir í framboði eru F-listinn og K-listinn. Skipan frambjóðenda á listunum má sjá hér að neðan.

Fulltrúar félagsmiðstöðvarinnar Hyldýpis, þau Sunna Björg Valsdóttir umsjónarmaður og Karl Jónsson forstöðumaður, eru meðal þátttakenda í starfsmannaferð félagsmiðstöðva af Norðurlandi eystra sem styrkt er af Erasmus+ prógrammi Evrópusambandsins í gegn um Samfés og Rannís.

SUNNUDAG 12. APRÍL KL 13:30 LAUGARBORG - EYJAFJARÐARSVEIT Nótan er uppskeruhátíð tónlistarskólanna. Á tónleikunum koma fram nemendur frá: Tónlistarskólanum á Akureyri, Tónlistarskóla Eyjafjarðar, Tónlistarskólanum á Tröllaskaga, Tónlistarskóla Húsavíkur og Tónlistardeild Stórutjarnaskóla. Allir velkomnir og aðgangur ókeypis.