Fréttayfirlit

Vegna vinnu við dreifikerfi verður lokað fyrir heitt vatn í og við Hrafnagilshverfi þriðjudaginn 24.06.25 frá kl. 08:30-16:00 eða á meðan vinnu stendur. Inná heimasíðu okkar má finna góð ráð við heitavatnsrofi. 

Leikskólinn Krummakot flytur í nýtt og glæsilegt húsnæði þar sem öll aðstaða fyrir nemendur og starfsfólk verður til fyrirmyndar og hugað er sérstaklega að góðri hljóðvist og lýsingu.

Núna er í gangi vinna til að efla íslenskt handverk sem atvinnugrein. Eitt af fyrstu skrefunum er þarfagreining og er m.a. kallað eftir svörum handverksfólks í eftirfarandi könnun. Niðurstöðurnar verða mikilvægt innlegg í opinberri umræðu um stöðu handverks á Íslandi.

Vegna vinnu Norðurorku við heitavatnslögn í Hrafnagilshverfi verður íþróttamiðstöðin lokuð frá kl. 8.00 þriðjudaginn 24. júní og fram eftir degi. Upplýsingar verða uppfærða á Facebook-síðu íþróttamiðstöðvarinnar "Íþróttamiðstöðin Hrafnagilshverfi" um leið og opnað verður á nýjan leik. Vakin er athygli morgunhana á því að opið verður frá kl. 6.30 - 8.00 um morguninn.

Eyjafjarðarsveit hvetur landeigendur til að kynna sér tilgátuvefsjá með grunnflokkun landbúnaðarlands sem unnin hefur verið af Eflu fyrir Land og Skóg og koma með ábendingar í gegnum tilgátufefsjána sem nálgast má neðst í fréttinni.

Atvinnu- og umhverfisnefnd hefur undanfarið unnið að nýsköpunarstefnu fyrir sveitarfélagið og hefur sveitarstjórn nú samþykkt töllögur nefndarinnar að Nýsköpunarstefnu Eyjafjarðarsveitar.

Síðasti fundur skipulagsnefndar fyrir sumarfrí verður haldinn mánudaginn 23.júní og sveitarstjórnar þann 26.júní. Fullbúin erindi vegnas skipulagsmála þurfa að berast eigi síðar en miðvikudaginn 18.júní á sbe@sbe.is svo þau geti ratað fyrir fundinn. Fyrirhugað er að sveitarstjórnarstarf hefjist aftur um miðjan ágúst að loknu sumarfríi.

Hrafnagilsskóli er grunnskóli í dreifbýli um 12 km fyrir innan Akureyri og eru um 180 nemendur í skólanum. Sýn Hrafnagilsskóla byggir á skilningi, fagmennsku og dyggðum. Agastefna skólans er Jákvæður agi og meðal sérkenna skólans er umhverfismennt, öflug list- og verkgreinakennsla ásamt nýtingu tækni til náms. Heimasíða Hrafnagilsskóla er www.krummi.is. Við óskum eftir að ráða í stöðu umsjónarkennara á yngsta stigi skólaárið 2025 - 2026. Um er að ræða 100% starf. Leitað er eftir kennara sem er faglegur og sjálfstæður í vinnubrögðum, kveikir áhuga nemenda og sýnir góðvild og festu.

Eyjafjarðarsveit mun sækja ferðaráðstefnuna Vestnorden sem hefst í lok september á Akureyri. Sveitarstjóri mun sækja ferðaráðstefnuna fyrir hönd sveitarfélagsins og þeirra þjónustuaðila sem hér starfa og er þannig lögð áhersla á að kynna sveitarfélagið í heild sem góðan stað fyrir ferðaþjónustuaðila.

Ómar Ólafsson átti á dögunum 10 ára starfsafmæli í Íþróttamiðstöðinni í Eyjafjarðarsveit. Af því tilefni var slegið upp veislu til heiðurs Ómari. Ómar hefur verið ákaflega farsæll í sínum störfum í íþróttamiðstöðinni, er vinsæll meðal gesta og samstarfsfélaga og nýtur virðingar nemenda Hrafnagilsskóla. Eyjafjarðarsveit óskar Ómari innilega til hamingju með þessi tímamót og hlakkar til að njóta starfskrafta hans áfram.