Fréttayfirlit

"Matvælastofnun hvetur almenning til að tilkynna stofnuninni um veika og dauða fugla og villt spendýr sem það finnur. Það er gert með því að smella á „ábendingar og fyrirspurnir“-hnappinn á forsíðu www.mast.is. Mikilvægt er að lýsa staðsetningu vel, helst með hnitum, og láta mynd fylgja með."

FUNDARBOÐ 664. fundur sveitarstjórnar Eyjafjarðarsveitar verður haldinn í fundarstofu 2, Skólatröð 9, fimmtudaginn 23. október 2025 og hefst kl. 08:00.

Eyjafjarðarsveit mun á næstu 2–3 vikum hefja innleiðingu á þriðju sorptunnunni við hvert heimili í sveitarfélaginu, í samræmi við lög sem kveða á um að plast og pappi skuli flokkað og safnað aðskilið. Það er Terra ehf., þjónustuaðili sveitarfélagsins í sorpmálum, sem sér um framkvæmd innleiðingarinnar. Byrjað verður innst í firðinum og unnið út eftir. Að lokinni innleiðingu munu heimili í Eyjafjarðarsveit hafa til umráða þrjár tunnur: • Plasttunnu • Pappatunnu • Tunnu fyrir óflokkað sorp, með lífrænu hólfi þar sem við á Markmið breytingarinnar er að bæta flokkun úrgangs og stuðla að vistvænni og ábyrgri meðhöndlun sorps í sveitarfélaginu.

Alls staðar þar sem nýbúið er að malbika er hætta á að teinar standi upp úr malbikinu þar sem eftir er að steypa kantsteina. Unnið verður að því að ljúka frágangi kantsteina í dag og á morgun. Þetta er alveg frá gatnamótum Hrafnatraðar og Bakkatraðar og að brúnni fyrir neðan Ártröð. Vegfarendur eru beðnir um að sýna aðgát á svæðinu meðan á framkvæmdum stendur.

Tímaritið okkar Eyvindur kemur út fyrir jólin eins og venjulega. Því óskum við eftir að fá sent til okkar t.d. skemmtilegar sögur, ljóð eða annað sem þið hafið samið til að birta. Eins eru ábendingar vel þegnar um spennandi viðtals- eða umfjöllunarefni, jafnvel ljósmyndir fyrr og nú, samanburð af húsum eða sjónarhorni, hvað eina sem ykkur dettur í hug og gæti átt erindi í Eyvind. Kær kveðja frá ritnefnd Benjamín Baldursson s: 899-3585, tjarnir@simnet.is Berglind Kristinsdóttir s: 693-6524, berglind@esveit.is Arnór Bliki Hallmundsson s: 864-8417, hallmundsson@gmail.com

Íþrótta- og Ólympíusamband Íslands í samstarfi við Sundsamband Íslands stendur fyrir landsátaki í sundi frá 1. - 30. nóvember 2023. Syndum er heilsu- og hvatningarátak sem er öllum landsmönnum opið. Markmiðið með Syndum er að hvetja almenning til þess að hreyfa sig oftar og meira í sínu daglega lífi og nýta sundið og þær flottu sundlaugar sem er að finna um land allt.

Velferðar-& menningarnefnd vekur athygli á því að hægt er að sækja um styrk til menningarmála hér á heimasíðu sveitarfélagsins. Rafrænt eyðublað má finna á hlekknum hér í fréttinni og undir dálknum stjórnsýsla – skjöl og útgefið efni – umsóknir.

Um 300 manns mættu á opið hús í nýtt húsnæði leikskólans Krummakots laugardaginn 11. október, þar sem Eyjafjarðarsveit bauð öllum áhugasömum að koma og skoða bygginguna. Erna Káradóttir, skólastjóri Krummakots, bauð gesti velkomna og þakkaði sérstaklega fyrir gott og árangursríkt samstarf við verktakann B. Hreiðarsson ehf. Að því loknu flutti Hermann Ingi Gunnarsson, oddviti Eyjafjarðarsveitar, stutt ávarp og einnig Ingibjörg Ósk Filippíu-Pétursdóttir fyrir hönd kvenfélaganna í sveitinni. Elstu börn leikskólans tóku svo lagið og fluttu falleg lög sem vakti mikla ánægju viðstaddra. Kvenfélögin Aldan, Iðunn og Hjálpin sáu um veitingar sem voru með glæsilegasta móti og nutu mikilla vinsælda meðal gesta.

Lokað verður á umferð að norðan inn í Hrafnagilshverfi frá klukkan 9 í dag og verður þá allri umferð innan Bakkatraðar beint um noðrurtengingu, afleggjara Hrafnagils, meðan framkvæmdir eiga sér stað sem áætlað er að taki nokkurn tíma.

Ferðamálastofa boðar til kynningarfundar fyrir væntanlega umsækjendur í Framkvæmdasjóð ferðamannastaða. Fundurinn er á Teams fimmtudaginn 16. október kl. 13 . Sjóðurinn fjármagnar framkvæmdir á ferðamannastöðum og ferðamannaleiðum í eigu eða umsjón sveitarfélaga og einkaaðila. Umsóknarfrestur vegna framkvæmda á árinu 2026 er til 4. nóvember næstkomandi. Á fundinum verður meðal annars farið yfir: