Fréttayfirlit

Sveitarstjórn Eyjafjarðarsveitar samþykkti á fundi sínum 26. júní 2025 breytingu á aðalskipulagi Eyjafjarðarsveitar – Rammahluti aðalskipulags - Þróun byggðar í Vaðlaheiði.

Framkvæmdir við nýjan dúk í sundlaugarkari íþróttamiðstöðvarinnar gengu framar vonum og var því opnað á nýjan leik laugardaginn 23. ágúst og skipt þá yfir í vetraropnunartímann frá þeim degi: Mánudagar til fimmtudaga kl. 06.30 – 8 og 14 – 22. Föstudagar kl. 06.30 - 8 og 14 – 19. Laugardagar og sunnudagar kl. 10 – 19.

FUNDARBOÐ 660. fundur sveitarstjórnar Eyjafjarðarsveitar verður haldinn í fundarstofu 2, Skólatröð 9, fimmtudaginn 28. ágúst 2025 og hefst kl. 08:00.

Gangnaseðlar 2025 vegna sauðfjár liggja nú fyrir og má nálgast hér fyrir neðan.

Við óskum eftir að ráða: Þroskaþjálfa eða iðjuþjálfa og Skólaliða eða stuðningsfulltrúa Hrafnagilsskóli er grunnskóli í dreifbýli um 12 km. fyrir innan Akureyri og eru um 180 nemendur í skólanum. Sýn Hrafnagilsskóla byggir á skilningi, fagmennsku og dyggðum. Agastefna skólans er Jákvæður agi og meðal einkenna skólans er umhverfismennt, öflug list- og verkgreinakennsla ásamt nýtingu tækni til náms. Heimasíða Hrafnagilsskóla er www.krummi.is.

Kæru íbúar, upp er runninn sérlega ánægjulegur dagur sem margir hafa beðið eftir í langan tíma, leikskólinn Krummakot hefur flutt í nýtt húsnæði og hefur starfsemi sína þar í dag. Þetta er stór stund fyrir okkar sveitarfélag.

Akstursáætlun 2025-2026 Pdf skjal fyrir neðan listann. Skólabílar keyra heim alla daga kl. 14:00.

Frístund er starfrækt í Hrafnagilsskóla. Þar býðst nemendum í 1. – 4. bekk að dvelja eftir skóla frá kl. 14:00 til kl. 16:00. Það skal tekið fram að sækja þarf börnin í síðast lagi kl. 16:00 en þá er lokað í frístund. Foreldrar og forráðamenn geta valið um þrenns konar dvalartíma.

Eyjafjarðarsveit býður nemendum við Hrafnagilsskóla gjaldfrjálsar skólamáltíðir veturinn 2025 – 2026. Eftir sem áður greiða foreldrar og forráðamenn fyrir ávaxtaáskrift barna sinna og er gjaldinu skipt í tvær greiðslur með gjalddögum í október og mars. Veittur er systkinaafsláttur af áskriftinni, tvö elstu systkinin greiða fullt gjald, þriðja barn greiðir hálft gjald og ekki er greitt fyrir fleiri systkini. Hækkun frá síðasta skólaári er 4,0% og gjaldið er 66 kr. pr. dag. Heildargjald hvers nemandi á skólaárinu er 11.418 kr. eða 5.709 kr. pr. gjalddaga. Snæbjörn Kristjánsson, matreiðslumaður sér um rekstur mötuneytis en innheimta er í höndum starfsmanna á skrifstofu Eyjafjarðarsveitar.

Ákveðinn hefur verið umsóknarfrestur í Uppbyggingarsjóð Norðurlands eystra vegna verkefna ársins 2026, opnað verður fyrir umsóknir 17. september og stendur umsóknarfresturinn til 22. október kl. 12:00. Vakin er athygli á því að samkvæmt úthlutunarreglur skal umsækjandi hafa skilað lokaskýrslu vegna fyrri verkefna til að ný umsókn verði afgreidd af úthlutunarnefnd, nema sérstaklega sé um annað samið. Ef verkefninu er lokið er hægt að fylla út lokaskýrslu en formið af henni má finna hér. Minni einnig á að geta styrksins í umfjöllun um verkefnið og notast við lógó Sóknaráætlunar sem finna má hér.