Fréttayfirlit

Vegna formgalla við birtingu auglýsingar á gildistöku deiliskipulags 4 frístundalóða á Arnarholti, er skipulagið hér með auglýst að nýju, sbr. 41. gr. skipulagslaga nr. 123/2010.

Laus er til umsóknar tveggja herbergja leiguíbúð að Skólatröð 2. Umsækjendur skulu standast þau tekju- og eignamörk sem ákveðin eru í reglugerð nr. 873/2001, um lánveitingar til leiguíbúða, ráðstöfun þeirra og rekstur. Umsóknarfrestur er til 31. október n.k.

Umhverfisnefnd óskar eftir ábendingum í tengslum við veitingu á umhverfisverðlaunum árið 2013. Umhverfisverðlaun eru veitt annað hvert ár til þeirra sem þykja hafa skarað fram úr í snyrtimennsku og umgengni.

FUNDARBOÐ 438. fundur sveitarstjórnar Eyjafjarðarsveitar verður haldinn í fundarstofu 1, Skólatröð 9, miðvikudaginn 23. október 2013 og hefst kl. 15:00

Sunnudaginn 20. október verður guðsþjónusta í Grundarkirkju kl. 11:00. Kór sem heitir Kórinn og starfar í Reykjavík mun koma í heimsókn og taka þátt í messunni. Kórstjóri er Krisztina Kalló, organisti í Árbæjarkirkju. Kórinn mun syngja kafla úr ,,stuttu messunni“ eftir Gounod.

Vegna óviðráðanlegra orsaka frestast söfnun baggaplasts í Eyjafjarðarsveit til morguns.

Hrossasmölun verður föstudaginn 11. október og hrossaréttir laugardaginn 12. október sem hér segir: Þverárrétt hefst kl. 10:00 og Melgerðismelarétt kl. 13:00. Gangnaseðlar verða sendir þeim sem lagt er á og einnig birtir á netinu. Fjallskilanefnd