Auglýsingablaðið kemur næst út miðvikudaginn 22. apríl. Auglýsingar þurfa því að berast fyrir kl. 10:00 þriðjudaginn 21. apríl á netfangið esveit@esveit.is
Faldbúningsnámskeið Heimilisiðnaðarfélags Íslands og Handraðans
Námskeið í faldbúning, þjóðbúningasaumi og balderingsnámskeið verður haldið í húsnæði Handraðans á Laugalandi, helgina 25.-26. apríl. Kennarar eru Oddný Kristjánsdóttir og Inda Benjamínsdóttir. Áhugasamir skrái sig í gegnum tölvupóst á heimasíðu félagsins www.heimilisidnadur.is eða í s. 551-5500
Húsnæði óskast
Óskum eftir húsnæði í Hrafnagilshverfi frá og með 1. september næstkomandi, helst í langtímaleigu. Er með 3 börn svo 4 herbergja væri fínt að skoða en er opin fyrir öllu öðru. Ég er 40 ára og 110% traustur leigjandi. Upplýsingar má senda mér á netfangið hvandersen75@gmail.com eða í s. 780-7716
Helga
Sumardagurinn fyrsti
Fögnum sumarkomu í Funaborg á Melgerðismelum 23. apríl frá kl 13.30 – 17.00
Í boði verður: Stórglæsilegt kaffihlaðborð að hætti Funamanna, húsdýrasýning og teymt verður undir yngstu börnunum. Fornbíladeild Bílaklúbbs Akureyrar rennur í hlað á sínum glæsivögnum og Hjalparsveitin Dalbjörg verður með tæki til sýnis. Handverksfólk mætir með ýmiskonar handverk t.d. G4, Gler ást og ef veður leyfir mætir Guðmundur Örn með eldsmiðjuna sía. Nýjar og gamlar búvélar verða á staðnum. Láttu þig ekki vanta á Melana á sumardaginn fyrsta Hestamannafélagið Funi
Kæru sveitungar
Ekki vill svo vel til að einhverjir lumi á vinyl plötum sem ekkert er verið að nota? Ef svo er hringið endilega í mig í s. 869-3696
Kv. GG
migmigmig �� Kv. GG 869 3696
Fundur fjárræktarfélaganna
Sameiginlegur fundur fjárræktarfélaganna í Eyjafjarðarsveit verður haldinn miðvikudaginn 22. apríl kl. 20.00 í Funaborg á Melgerðismelum. Eyþór Einarsson ráðunautur mætir á fundinn og fer yfir málin. Félagsmenn eru hvattir til að fjölmenna.
Stjórnir félaganna
Styrktarkvöldverður fyrir Önnu og Gísla í Brúnalaug
Styrktarkvöldverður verður haldinn laugardagskvöldið 25. apríl n.k. á Lamb Inn Öngulsstöðum. Tilefnið er áfall þeirra hjóna í Brúnalaug, Önnu og Gísla, sem misstu amk. tímabundið lífsviðurværi sitt í bruna á dögunum. Við bjóðum upp á lambalæri og eftirrétt og verðum einnig með létta skemmtidagskrá. Við höfum fengið til liðs við okkur góða birgja til að þetta geti orðið að veruleika, en þeim verða gerð nánari skil í næstu viku. Auk þess mun starfsfólk Lamb Inn gefa alla sína vinnu. Öll innkoma mun renna óskert til Önnu og Gísla. Lágmarksmiðaverð er 5.000 kr. á manninn og innifalið í því er drykkur með matnum. Við tökum þó glöð á móti hærri framlögum. Sýnum nú okkar þekktu samstöðu og samhug, komum saman og eigum gleðistund þó tilefnið sé háalvarlegt. Miðapantanir í s. 463-1500.
Starfsfólk og eigendur Lamb Inn Öngulsstöðum
Árshátíð yngsta stigs Hrafnagilsskóla 2015
Hátíðin verður haldin í Laugarborg þriðjudaginn 21. apríl frá klukkan 14.00—16.00. Tónlistaratriði verður í flutningi 4. bekkjar og síðan er aldrei að vita nema við hittum Bakkabræðurna Gísla, Eirík og Helga og köttinn þeirra. Að loknum skemmtiatriðum stjórnar Elín Halldórsdóttir dansi. Aðgangseyrir er 700 kr. fyrir nemendur á grunnskólaaldri en 1.400 kr. fyrir eldri. Frítt er fyrir börn sem ekki eru byrjuð í grunnskóla. Veitingar eru innifaldar í verði. Ágóði af miðasölu og sjoppu rennur í ferðasjóð nemenda og einnig til að greiða lyftugjöld í skíðaferð. Sjoppan verður opin og þar er hægt að kaupa gos, svala og sælgæti. Skólabílar keyra ekki að árshátíð lokinni.
Allir eru hjartanlega velkomnir.
Nemendur í 1.-4. bekk í Hrafnagilsskóla
FIÐLARINN Á ÞAKINU
Næstu sýningar Freyvangsleikhússins verða sem hér segir:
17. sýning 17. apríl kl. 20 UPPSELT
18. sýning 18. apríl kl. 20 UPPSELT
19. sýning 24. apríl kl. 20
20. sýning 25. apríl kl. 20
21. sýning 1. maí kl. 20
22. sýning 2. maí kl. 20
SÝNINGUM FER FÆKKANDI.
Miðasala er daglega í síma 857-5598 frá kl. 18-20, á sýningardögum frá kl. 17-19 og á www.freyvangur.net
Loksins!!!
Örnámskeið í endurnýtingu og endurnýjun upp úr gömlum fatnaði, gardínum osfrv. verða þriðjudagana 21. og 28. apríl milli kl. 20-23. Námskeiðið snýst um sköpunargleði og hönnun svo þetta er ekki hefðbundið saumanámskeið. Aðalatriðið er að sjá möguleikana og skapa eitthvað nýtt og spennandi með aðstoð nett galins einstaklings og njóta góðs félagsskaps í leiðinni :) Enn er laust pláss fyrir 2-3 til viðbótar. Námskeiðsgjald er kr. 9.000 fyrir bæði kvöldin og er allur efnisviður innifalinn :) Skráning er í s. 869-3696. Geira Gunn (eða bara Þrúða:) )
Frá Laugalandsprestakalli
Messa verður í Saurbæjarkirkju sunnudaginn 19. apríl kl. 11.00. Allir eru hjartanlega velkomnir.
Sóknarprestur
